2020-03-27 22:25:45, 3401 ნახვა
მსოფლიო
დედოფალმა ბორის ჯონსონი ბოლოს 16 დღის წინ ნახა
ბრიტანეთის დედოფალმა ელისაბედ II-მ ქვეყნის პრემიერ-მინისტრი ბორის ჯონსონი, რომელსაც დღეს კორონავირუსის დიაგნოზი დაუსვეს, ბოლოს 16 დღის წინ, კერძოდ 11 მარტს მიიღო - წერს Daily mail.
შეგახსენებთ, რომ დედოფალი 93 წლის მეუღლესთან ერთად პანდემიის გამო უინზორების სასახლეში კარანტინზე იმყოფება. მონარქის შვილს ჩარლზს კორონავირუსის დიაგნოზი აგრეთვე დაუსვეს და ის ამჟამად ცალკე - შოტლანდიაში მდებარე ბირკჰოლის სასახლეში კარანტინზე მეუღლესთან ერთად გადავიდა. მედიკოსების თქმით, მათ ჯანმრთელობას საფრთხე არ ემუქრებათ და დაავადების მხოლოდ მსუბუქი სიმპტომები აღენიშნებათ.
აგრეთვე ცნობილი გახდა, რომ დედოფალსა და პრემიერ-მინისტრს შორის დღეს სატელეფონო საუბარი უკვე გაიმართა.
ავტორი: გიორგი ბაზაევი, ექსპრესნიუსის რეპორტიორი 2010 წლიდან
epn.ge (@expressnews.ge)
