საქართველოს მთავრობის უწყებათაშორისი საკოორდინაციო საბჭოს მიერ მიღებული გადაწყვეტილების შესაბამისად, მთელი საქართველოს მასშტაბით, შინაგან საქმეთა სამინისტროს სტრუქტურულ დანაყოფებში სადეზინფექციო სამუშაოები გრძელდება.

ახალი კორონავირუსის გავრცელების პრევენციის მიზნით, საექსპერტო-კრიმინალისტიკური დეპარტამენტის თანამშრომლებისგან დაკომპლექტდა სამუშაო ჯგუფები. ჯგუფის წევრებს გავლილი აქვთ უსაფრთხოების შესაბამისი ტრენინგები.

ისინი სპეციალური სადეზინფექციო-სადისპერსიო აღჭურვილობითა და შესაბამისი ეკიპირებით, საქართველოს მასშტაბით, შინაგან საქმეთა სამინისტროს სხვადასხვა დანაყოფში სადეზინფექციო სამუშაოებს ჩაატარებენ.

რისკების ეფექტიანი მართვის მიზნით, სადეზინფექციო სამუშაოები უკვე ჩატარდა და შესაბამისი ხსნარებით დამუშავდა საზოგადოებრივი უსაფრთხოების მართვის ცენტრი "112"-ის რუსთავის ფილიალის შიდა და გარე პერიმეტრი, ოპერატორთა ცენტრალური დარბაზი, შეხვედრების და ადმინისტრაციის სამუშაო ოთახები. ასევე, სპეციალური ხსნარებით დამუშავდა განსაკუთრებულ დავალებათა დეპარტამენტის სხვადასხვა სამმართველოს სამუშაო სივრცეები, შიდა ტერიტორიაზე არსებული შენობა-ნაგებობების შიდა და გარე პერიმეტრები.

დეზინფექცია ჩატარდა მცხეთა-მთიანეთის და ქვემო ქართლის პოლიციის დეპარტამენტების შენობების სრულ პერიმეტრზე, მათ შორის დროებითი მოთავსების უზრუნველყოფის დეპარტამენტის დროებითი მოთავსების იზოლატორებში.

საქართველოს მთავრობის უწყებათაშორისი საკოორდინაციო საბჭოს მიერ მიღებული გადაწყვეტილების შესაბამისად, კორონავირუსის გავრცელების პრევენციისა და რისკების ეფექტიანი მართვის მიზნით, სადეზინფექციო სამუშაოები შინაგან საქმეთა სამინისტროს სხვადასხვა დანაყოფის სტრუქტურულ ერთეულებში, მთელი ქვეყნის მასშტაბით, რეგულარულად ჩატარდება.

ავტორი: NS (სტატია დაფინანსებულია),

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა