"ახლა არ არის პანიკის დრო და არის, კონკრეტული და ძალზედ ეფექტური ნაბიჯებისა და ქმედებების დრო", - ამის შესახებ პრემიერ-მინისტრმა გიორგი გახარიამ საგანგებოდ გამართულ ბრიფინგზე განაცხადა.

როგორც პრემიერმა აღნიშნა, საქართველოს მთავრობისთვის პირველივე დღიდან უაღრესად მნიშვნელოვანი იყო მოქალაქეების ჯანმრთელობის დაცვა.

"ყველას კარგად გვესმის, რომ კორონავირუსი არის გლობალური გამოწვევა, რომელსაც პირველ რიგში ჩვენ უნდა ვუპასუხოთ, ჩვენი მოქალაქეობრივი პასუხისმგებლობით და ერთობლივი ძალისხმევით. არც ერთ შემთხვევაში ახლა არ არის პანიკის დრო და არის, კონკრეტული და ძალზედ ეფექტური ნაბიჯებისა და ქმედებების დრო. ჩვენთვის, საქართველოს მთავრობისთვის უაღრესად მნიშვნელოვანი იყო პირველივე დღიდან ჩვენი მოქალაქეების ჯანმრთელობა, შესაბამისად ღონისძიებები იყო გადადგმული პირველ რიგში, ჩვენი მოქალაქეების ჯანმრთელობის დასაცავად და მეორე, კრიტიკულად მნიშვნელოვანი საკითხი გახლავთ ჩვენი ეკონომიკა და ის მასტიმულირებელი ნაბიჯები, რომელიც ჩვენ უნდა გადავდგათ, რომ ეკონომიკაზე ნაკლებად აისახოს ის ზეგავლენა, რომელიც აუცილებლად იქნება", - განაცხადა პრემიერმა.

გიორგი გახარიამ ასევე საკოორდინაციო საბჭოს მიერ გადადგმულ ნაბიჯებზე ისაუბრა და მათი მუშაობა შეაჯამა.

"რაც შეეხება ჯანმრთელობის ნაწილს, მოგეხსენებათ რომ პირველივე დღიდან შეიქმნა საკოორდინაციო ჯგუფი, რომელიც მოქმედებს ყოველდღიურ რეჟიმში და შესაბამისად დგამს იმ ნაბიჯებს, რომელიც აუცილებელია ჩვენი მოქალაქეების ჯანმრთელობის დასაცავად. საკოორდინაციო ჯგუფის ფარგლებში გამკაცრდა კონტროლი სახელმწიფო საზღვარზე, გამკაცრდა კონტროლი თვითიზოლაციაში მყოფ მოქალაქეებზე. ამასთან ერთად, დროებით შეჩერდა სწავლა საგანმანათლებლო დაწესებულებებში, გაიცა რეკომენდაცია შესაძლო ხალხმრავალი ღონისძიებების გაუქმების თაობაზე, ისევე როგორც გადავადდა საყოველთაო საგაზაფხულო გაწვევა. პრობაციონერების ნაწილში იყო გადადგმული კონკრეტული ნაბიჯები და მათ საპრობაციო ბიუროებში გამოცხადების ვალდებულება მოეხსნათ და ასევე, პენიტენციურ სისტემაში 2 კვირით შემოღებულ იქნა სპეციალური ღონისძიებები. ყველაფერი ზემოთაღნიშნული გაკეთებულია იმისთვის, რომ ჩვენ შევაჩეროთ იმპორტირებული ვირუსის გავრცელება“, - დასძინა პრემიერმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ევროპის საბჭოს საპარლამენტო ასამბლეის რეზოლუციის პროექტში საქართველოში დემოკრატიის უკუსვლაზეა საუბარი

უკრაინის შეიარაღებულმა ძალებმა ვორონეჟში რაკეტსაწინააღმდეგო ნახევარგამტარების ქარხანაზე იერიში მიიტანეს

23-25 ივნისს საქართველოში მოსალოდნელია დროგამოშვებით ნალექიანი ამინდი

Nestle-მ ბრიტანეთის მიერ სანქცირებულ ტელეკომპანია „იმედში“ რეკლამის განთავსების გამო შიდა გამოძიება დაიწყო