კორონავირუსის გამო ეკონომიკური კრიზისის თავიდან ასაცილებლად, სწრაფი ნაბიჯების გადადგმაა საჭირო. ამის შესახებ „ევროპული საქართველოს“ წევრმა გიგა ბოკერიამ განაცხადა.

მისი თქმით, სწრაფი ნაბიჯების გარეშე, დაგვიანებამ შესაძლოა უაზრობა გახადოს მომავალში ნებისმიერი ნაბიჯის გადადგმა.

„ჩვენ გვესმის ყოველთვის, მთელი ამ წლების განმავლობაში ივანიშვილის გუნდისგან ის, რომ გლობალური პროცესებია, რეგიონული პრობლემებია და ათასი ამბავი უშლით ხელს. კი, ასეა ზოგჯერ, ამჯერად, ნამდვილად ეპიდემია არის დიდი ფაქტორი ამ მყისიერი საფრთხისა, მაგრამ მთავრობები ჰყავს ქვეყნებს იმისთვის, რომ ირეაგირონ ასეთ გამოწვევებზე. სწორედ ასეთ რეაგირებას, სწრაფს ვთავაზობთ ჩვენ. ამ დიდმა საფრთხემ მაინც გამოაფხიზლოს იქნებ ეს გუნდი, რომ გადადგან სწრაფად ის ნაბიჯები, რასაც ვთავაზობთ. იმიტომ რომ, უნდა გვესმოდეს, ამ შემთხვევაში დაგვიანებამ შეიძლება უაზრობა გახადოს ნებისმიერი ნაბიჯის გადადგმა მყისიერად მომავალში’’ - განაცხადა გიგა ბოკერიამ.

შეგახსენებთ, რომ „ევროპულომა საქართველომ“ ერთი კვირის წინ მოამზადა პაკეტი, რომელშიც საქართველოს ეკონომიკაზე კორონავირუსის ნეგატიური გავლენის შემცირების ხედვაა ასახული.  კორონავირუსით გამოწვეულ ეკონომიკურ კრიზისთან ბრძოლის გეგმა მოიცავს საგადასახადო შემცირებებს. კერძოდ, ამავე წლის აპრილიდან: 1. საშემოსავლო გადასახადის 20%დან - 17%მდე შემცირება, რაც სამუშაო ადგილების დაკარგვას თავიდან აგვაცილებს და 380 მილიონ ლარს დაუტოვებს ხალხს. 2. ქონების გადასახადის განახევრება. რაც 195 მილიონ ლარს დაუტოვებს მეწარმეებსრაც ასევე სამუშაო ადგილების შემირებას შეაჩერებს. 3. ნავთობპროდუქტებზე აქციზის გადასახიდს 25%ით შემცირება, რაც საწვავზე ფასს 8-10 თეთრით გააიაფებს და ზოგადად ხელს შეუშლის ფასების ზრდას ქვეყანაში მოცემული გეგმა ითვალისწინებს კერძო სექტორში 690 მილიონი ლარის დატოვებას. ეს საბიუჯეტო დანაკლისი აუცილებლად უნდა დაბალანსდეს ბიუროკრატიული და არაეფექტური ხარჯების შეკვეცით. შეგახსენებთ, რომ 2012 წელთან შედარებით „ქართულმა ოცნებამ“ 1 მილიარდი ლარით გაზარდა.

ავტორი: ექსპრესნიუსი,

სოციალური ქსელები

ევროპის საბჭოს საპარლამენტო ასამბლეის რეზოლუციის პროექტში საქართველოში დემოკრატიის უკუსვლაზეა საუბარი

უკრაინის შეიარაღებულმა ძალებმა ვორონეჟში რაკეტსაწინააღმდეგო ნახევარგამტარების ქარხანაზე იერიში მიიტანეს

23-25 ივნისს საქართველოში მოსალოდნელია დროგამოშვებით ნალექიანი ამინდი

Nestle-მ ბრიტანეთის მიერ სანქცირებულ ტელეკომპანია „იმედში“ რეკლამის განთავსების გამო შიდა გამოძიება დაიწყო