თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, კორონავირუსით ინფიცირებული ორი ახალი პაციენტიდან ერთ-ერთი ესპანეთიდან ჩამოვიდა, თუმცა მას კონტაქტი ჰქონდა იტალიელებთან.

როგორც ეზუგბაიამ აღნიშნა, ამ ეტაპისთვის უცნობია, თუ რომელი ქვეყნიდან შემოტანილ  შემთხვევად შეიძლება ჩაითვალოს ინფექცია.

„დღევანდელი მონაცემებით, ჩვენთან წევს 34 პაციენტი. გუშინ ტესტირება ჩაუტარდა 19 პირს. აქედან, ორთან დადასტურდა კორონავირუსის ინფექცია, დანარჩენთან მიღებულია უარყოფითი პასუხი. ერთი პაციენტის კვლევა კიდევ გრძელდება. იმ პირებზე, რომლებზეც ნეგატიური პასუხი მივიღეთ, ნელ-ნელა გადადიან საკარანტინო სივრცეში. დღეს ტესტი ჩასატარებელია 14 პაციენტთან. ამ ორი ახალი შემთხვევვიდან, ერთი პაციენტი არის მეოთხე პაციენტის კლასტერში ანუ ჰქონდა კონტაქტი ჩვენს ცენტრში მოთავსებულ მეოთხე პაციენტთან. მეორე დადასტურებული შემთხვევა არის ესპანეთიდან ჩამოსული პირი, მაგრამ მას ხანგრძლივი და ხშირი კონტაქტები ჰქონდა იტალიელებთან. ამიტომ, ამ ეტაპზე ვერ გეტყვით ეს შემთხვევა შეიძლება თუ არა ჩაითვალოს ესპანეთიდან შემოტანილ შემთხვევად, თუ შეიძლება ჩაითვალოს იტალიის შემთხვევად“, - განაცხადა მარინა ეზუგბაიამ.

ცნობისთვის, საქართველოში კორონავირუსის 15 დადასტურებული შემთხვევაა, კარანტინის რეჟიმში იმყოფება 141 პირი, ხოლო სტაციონარში მეთვალყურეობის ქვეშ  51 პირი რჩება.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს