„არაფერი დასამალი არ არის, ჩემი შვილი კონტაქტირებულია იმ კლასტერთან, როიმელიც იტალიიდან დაბრუნდა“, - ამის შესახებ დაავადება თა კონტროლის ეროვნული ცენტრის ხელმძღვანელმა, ამირან გამყრელიძემ ბრიფინგზე განაცხადა.

როგორც მან აღნიშნა, იტალიიდან დაბრუნებული მოქალაქეთა ჯგუფი, რომლებსაც კორონავირუსი დაუდასტურდათ, მისი შვილის თანამშრომლები არიან.  

„არაფერი დასამალი არ არის. ჩემმა შვილმა თავად გაავრცელა ინფორმაცია. ეს მისი სამოქალაქო პასუხისმგებლობა და უფლებაა. ინფექციამ არ იცის ვინ ვისი შვილია და ყველას თანაბრად ეხება. ჩემი შვილი არის კონტაქტირებული იმ კლასტერთან, რომელიც იტალიიდან დაბრუნდა. ისინი გახლავთ მისი თანამშრომლები და ამაში დასამალი არაფერია. ეს ადამიანები ორშაბათს იყვნენ სხდომაზე ჩემ შვილთან ერთად და დიდი ალბათობით, აქედან მოხდა დაინფიცირება. ჩემს შვილს, ბოლო ორი დღეს, როდესაც სიმპტომი გაუჩნდა, იყო თვითიზოლირებული. პირველი ტესტი იყო საეჭვო და ამიტომ, საჭიროდ ჩავთვალეთ მისი კვლევა კიდევ რამდენჯერმე ჩაგვეტარებინა. გუშინ დადასტურდა ვირუსი და გვიან ღამით გადაყვანილი იქნა. მისი ყველა კონტაქტი თავად ჩამოთვალა და გაუგზავნა დაავადებათა კონტროლის ცენტრს. ამ კონტაქტების კვლევა მიმდინარეობს ინტენსიურად“, - განაცხადა ამირან გამყრელიძემ.

ცნობისთვის, ამირან გამყრელიძის შვილს, ნიკოლოზ გამყრელიძეს კორონავირუსული ინფექცია დაუდასტურდა. ამის შესახებ მან „ფეისბუქზე“ თავად დაწერა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს