„დედის დღეს ვულოცავ ყველა საოცარ ქართველ და ამერიკელ დედას“, - ამის შესახებ განცხადებს აშშ-ს საელჩო თბილისში ავრცელებს.

ალთეა ქოლი-მერფრი, ამერიკელი დიპლომატი ქართველ და ამერიკელ დედებს მიმართავს და წერს, რომ აფასებს იმას, რასაც შვილებისთვის აკეთებენ.

„გასულ კვირას ბოლნისში მოსწავლემ მკითხა, რთულია თუ არა მშობლებისგან ასე შორს ცხოვრება. ჩემი პასუხი იყო: რა თქმა უნდა! ეს უდაოდ ყველაზე რთული რამაა დიპლომატის ცხოვრებაში. დედების განსაკუთრებული სიყვარული ამერიკელებსა და ქართველებს საერთო გვაქვს. დედამ კითხვა მასწავლა, ეს ყველაზე დიდი საჩუქარია, რაც კი ოდესმე მიმიღია. მან ბევრი ღამე გაათენა, რომ სწავლა დაემთავრებინა და ბავშვები აღეზარდა. მამაჩემის დახმარებით ჩემს სამ ძმასა და მე ცნობისმოყვარეობა და თავგადასავლების ძიების სიყვარული ჩაგვინერგა. რაც მთავარია, დედამ მასწავლა, რომ ყოველთვის უნდა გამოვიყენოთ ჩვენი ნიჭი სხვების დასახმარებლად.

მიხარია, რომ წელს ჩემს მშობლებს საქართველო გავაცანი. ახლა დედაჩემს თქვენი ქვეყანა ჩემსავით უყვარს.

დედის დღეს ვულოცავ ყველა საოცარ ქართველ და ამერიკელ დედას. ვიცით, როგორ დაუღალავად შრომობთ და ბევრს ნერვიულობთ ჩვენზე. ვაფასებთ ყველაფერს, რასაც აკეთებთ" - ალთეა ქოლი-მერფრი, ამერიკელი დიპლომატი.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს