„არის იმედი იმისა, რომ უახლოეს ორ დღეში შეთანხმება იქნას მიღწეული“, - ამის შესახებ გერმანიის ელჩთან ვიზიტის შემდეგ „ლელო საქართველოსთვის“ წევრმა დავით უსუფაშვილმა განაცხადა.

მისი თქმით, მოლაპარაკებებთან დაკავშირებით ბოლო დღეებამდე ხელისუფლების მხრიდან კონსტრუქციული დამოკიდებულება არ იყო, მაგრამ ახლა ამის შესაძლებლობაც გაჩნდა.

„ახლა არის იმედი იმისა, რომ უახლოეს ორ დღეში შეთანხმება იქნას მიღწეული. ამისთვის მეც და ძალიან ბევრიც, ვინც აქ შეკრებილები ვართ ვაკეთებთ ყველაფერს. თუმცა, არის ობიექტური წინააღმდეგობები იმიტომ, რომ ბოლო ათ დღემდე ხელისუფლების დღიდან მაინცდამაინც კონსტრუქციულ დამოკიდებულებას ვერ ვხედავდი. ახლა გაჩნდა ამის შესაძლებლობა. ამიტომ, ვაგრძელებთ თავდაუზოგავად შრომას იმისთვის, რომ ჩატარდეს ამ ქვეყანაში არჩევნები, თავიდან ავიცილოთ პოლარიზაცია, ადამიანები კიდევ უფრო არ დავშორდეთ ერთმანეთს და ჩვენს სამშობლოს ბრძოლის ველად არ ვუყურებდეთ. ამის შანსი არსებობს. რთული იქნება, მაგრამ მე კმაყოფილი ვარ ჩემი კოლეგების, ამ შემთხვევაში ოპოზიციის წარმომადგენლების და ხელისუფლების მხრიდანაც. განსაკუთრებული მადლობა საერთაშორისო წარმომადგენლობის ელჩებს, რომლებიც აქამდე სერიოზულად გვეხმარებიან ამ საქმეში. რაც შეეხება ვადებს, რაც მალე უკეთესი, რადგან თუ მომავალ ორშაბათს და სამშაბათს ტექსტი არ შევიდა პარლამენტში, მაშინ მაისის ბოლო რიცხვებამდე ის კონსტიტუციაში ვერ აისახება. ეს ნიშნავს, რომ ჩვენ ივნის-ივლისში კოდექსში უნდა ვწეროთ რაღაცეები, რადგან ოქტომბერში უკვე არჩევნებია. მე იმედიანად ვარ განწყობილი. კონკრეტულად რიცხვებზე და თანაფარდობებზე ახლა საუბარს აზრი არ აქვს. ნელი ნაბიჯით, მაგრამ წინსვლა არის“,  -განაცხადა დავით უსუფაშვილმა.

შეგახსენებთ, რომ საქართველოში აშშ-ის ელჩის მოადგილისა და ევროკავშირის ელჩთან ვიზიტის შემდეგ, მმართველი გუნდისა და ოპოზიციის წარმომადგენლები დიპლომატიურ კორპუსთან ერთად გერმანიის ელჩის რეზიდენციაში შეიკრიბნენ. შეხვედრის მთავარი თემა ხელისუფლებასა და ოპოზიციას შორის საარჩევნო სისტემასთან დაკავშირებით მოლაპარაკება იყო.

ავტორი: ექსპრესნიუსი,

სოციალური ქსელები

რეჟიმი გეგმავს მოქალაქეთა პირადი ცხოვრება აკონტროლოს, უცხოელზე დაქორწინებას კომისია შეისწავლის

ბოკუჩავა - ენმ-ს გარე აუდიტი არ სჭირდება იმის აღსაქმელად, რომ მძიმე გამოწვევების წინაშე ვდგავართ

თუ სიჩქარის მცირედი გადაჭარბება იქნება, მძღოლი 50 ლარით დაჯარიმდება, ჯარიმები გაიზრდება - დარახველიძე

საქართველოში შექმნილია სასათბურე პირობები ირანის ტერორისტული რეჟიმის ქსელისთვის – დროა