ეკონომიკურ კონფერენციაზე „საქართველო და მსოფლიო 2020"  სამხრეთ კავკასიაში მსოფლიო ბანკის რეგიონულმა  დირექტორმა სებასტიან მოლინეუსმა საქართველოში მიმდინარე რეფორმები და ბიზნესგარემო შეაფასა

მისი თქმით, საქართველოში ბიზნეს და საინვესტიციო კლიმატი კიდევ უფრო უმჯობესდება.

„ვფიქრობ, მიმდინარე განათლებისა და ჯანმრთელობის რეფორმები გადამწყვეტი იქნება.   მოხარული ვარ, რომ ვხედავ მთავრობის მონდომებას, რაც ხელს შეუწყობს ადამიანების ცხოვრების გაუმჯობესებას.   საქართველოში ბიზნეს და საინვესტიციო კლიმატი კიდევ უფრო უმჯობესდება.  მიუხედავად იმისა, რომ საქართველო სხვადასხვა რეიტინგში ძალიან მაღალ პოზიციებზეა, მაინც არსებობს მეტად გაუმჯობესების შესაძლებლობები. დაბოლოს, ქვეყანაში არსებობს ახალი უცხოური ინვესტიციების მოზიდვის სტრატეგია, რომელიც ახლახან ამოქმედდა და მთავრობასთან სიამოვნებით ვითანამშრომლებთ ამ მიმართულებით", - აცხადებს სებასტიან მოლინეუსი, მსოფლიო ბანკის რეგიონული დირექტორი სამხრეთ კავკასიაში.

კონფერენცია „საქართველო და მსოფლიო 2020"საქართველოს ეკონომიკისა და მდგრადი განვითარების სამინისტროს ორგანიზებით უკვე მეორედ ტარდება.   წელს ღონისძიებას 200-მდე მონაწილე და სტუმარი ესწრება, მათ შორის, მონაწილეობას იღებს მსოფლიოში ცნობილი ეკონომისტი, ვარშავის ეკონომიკური სკოლის პროფესორი, პოლონეთის ყოფილი ვიცე-პრემიერი, ყოფილი ფინანსთა მინისტრი და  ეროვნული ბანკის ყოფილი პრეზიდენტი ლეშეკ ბალცეროვიჩი.

ავტორი: NS (სტატია დაფინანსებულია),

სოციალური ქსელები

ტრამპი ირანს „განადგურებით“ დაემუქრა, თუ თეირანი დარტყმებს არ შეწყვეტს

რუსთავის ქალთა ციხესთან, აქტივისტის ნანა სანდერის მხარდამჭერი აქცია მიმდინარეობს

პატრიოტი დანიელი მხარს უჭერს ბულგარეთის წინააღმდეგობას პატრიოტ კირილისთვის სანქციების დაწესების შესახებ

ლევან მაჭავარიანი და არჩილ გორდულაძე ბოდიშს იხდიან პარლამენტში ჩხუბისთვის