„მე მივესალმები ვანო მერაბიშვილის გათავისუფლებას. ყველამ ძალიან კარგად ვიცით, რომ სტრასბურგის გადაწყვეტილებით ის უკანონო პატიმარია“, - ამის შესახებ „ახალი საქართველოს“ ლიდერმა გიორგი ვაშაძემ განაცხადა.

ვაშაძის თქმით, მან არ იცის მერაბიშვილის პოლიტიკური არჩევანი, თუმცა სურვილის შემთხვევაში, მზად არის შეხვდეს მას.

„სტრასბურგის გადაწყვეტილებით ის უკანონო პატიმარი იყო აქამდე, ეს ყველამ ძალიან კარგად ვიცით. ერთი რამ მინდა ვთქვა, ჩვენ გვჭირდება ეროვნული თანხმობა და ყველა ადამიანს, ვისაც ამ ეროვნულ თანხმობაში და ქვეყნის განვითარებაში შეუძლია საკუთარი წვლილის შეტანა, ყველას უნდა მიეცეს შესაძლებლობა. რაც შეეხება მერაბიშვილის პოლიტიკურ გზას, ნამდვილად არ ვიცი, რა გადაწყვეტილება აქვს. დაკავების დღიდან მასთან არანაირი კომუნიკაცია არ მქონია. თუ ისურვებს შეხვედრას, მე მზად ვარ, ყველას ვხვდები. საერთოდ, ვფიქრობ, ძალა ერთობაშია და უნდა გადავდოთ პირადი პრობლემები, პირადი საკითხები და ყველა ადამიანს უნდა დაველაპარაკოთ“, – განაცხადა გიორგი ვაშაძემ.

მანვე დასძინა, რომ მერაბიშვილის ჰქონდა კარგი გზავნილი ოპოზიციის ერთობასთან და არა რომელიმე კონკრეტულ პარტიასთან დაკავშირებით.

„ძალიან კარგი გზავნილი ჰქონდა მერაბიშვილს ოპოზიციის ერთობასთან დაკავშირებით. ეს არ იყო რომელიმე კონკრეტულ პარტიასთან მიმართებაში. აქედან გამომდინარე, ვფიქრობ ყველა ნაბიჯს გადადგამს იმისთვის, რომ ეს ერთობა არ დაირღვეს და პირიქით, ერთიანი ძალებით დავაყენოთ ქვეყანა ფეხზე. მერაბიშვილმა რომც არ მითხრას, მე გარანტიას გაძლევთ, ოქტომბრის არჩევნებში „ქართული ოცნება“ დამარცხდება და ჩვენ დავიწყებთ სრულიად ახალი განვითარების ეტაპს“, – განაცხადა ვაშაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია