„ვინც არ უნდა ნახოს მოკავშირედ ხელისუფლებამ ამ პროცესში, იმ ერთობას საფრთხე ვერ დაემუქრება, რომელიც არსებობს“, - ამის შესახებ ფრაქცია „ნაციონალური მოძრაობის“ წევრმა ზაალ უდუმაშვილმა „კურიერს“ განუცხადა.

მისი თქმით, მმართველ გუნდს ცალკეულ ოპოზიციურ პარტიებთან შეხვედრები გარკვეული მოლაპარაკებების სურათის შესაქმნელად სურს.  

„ვინ რა მოლაპარაკებებში შევა ხელისუფლებასთან და ვინ რას გააკეთებს, ეს ამ პარტიების კონკრეტული გადაწყვეტილებებია. მაგრამ დარწმუნებული ვარ, რომ ვინც არ უნდა ნახოს მოკავშირედ ხელისუფლებამ ამ პროცესში, იმ ერთობას საფრთხე ვერ დაემუქრება, რომელიც არსებობს. ალბათ სხვა პარტიებთანაც ექნებათ კომუნიკაცია და შეეცდებიან, რაღაცა დოზით შექმნან სურათი ამ მოლაპარაკებების, მაგრამ ეს მხოლოდ სურათის შესაქმნელად იქმნება, რეალურად მე არა მგონია, რომ ის პარტიები, რომლებიც დღეს ერთად ვსხედვართ, რაიმე კონკრეტულ მოლაპარაკებებში შევიდნენ“, - განაცხადა ზაალ უდუმაშვილმა.

შეგახსენებთ, რომ მმართველი გუნდი მზადაა ოპოზიციურ პარტიებთან მოლაპარაკებების გასაგრძელებლად და საარჩევნო სისტემაზე კონსენსუსის მისაღწევად პარტიებთან ინდივიდუალური დიალოგი დაიწყოს.  

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია