იურიდიულ საკითხთა კომიტეტის სხდომაზე, სადაც გენერალური პროკურორობის კანდიდატ ირაკლი შოთაძეს უნდა მოუსმინონ, ხმაურია.

ოპოზიციის წარმომადგენლებმა, კომიტეტზე მყოფ დეპუტატებს პოლიტიური პატიმრების სურათები დაურიგეს.

„ნაციონალური მოძრაობის“ წევრმა თინა ბოკუჩავამ ირაკლი შოთაძეს მიმართა და აღნიშნა, რომ მისი დანიშვნით ივანიშვილმა ხალხს უთხრა, რომ მათი აზრი არ აინტერესებს.

„თქვენი დანიშვნით ხალხს ეუბნება ივანიშვილი, რომ არ აინტერესებს მათი აზრი. თქვენ საზოგადოებრივი ზეწოლის ფონზე დატოვეთ თანამდებობა, თქვენ სინდისზეა ხორავას ქუჩის საქმე, მაჩალიკაშვილის საქმე“, - განაცხადა ბოკუჩავამ.

ცნობისთვის, ირაკლი შოთაძე საპროკურორო საბჭომ გენერალური პროკურორის თანამდებობაზე 7 თებერვალს შეარჩია, რასაც ოპოზიციის პროტესტი მოჰყვა. ამ წუთებში, პარლამენტის შესასვლელთან სამოქალაქო აქტივისტები ირაკლი შოთაძის გენერალურ პროკურორად შესაძლო დაბრუნებას აპროტესტებენ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ნინო ნადირაძე ხოშტარიას ვივა-მედში გადაყვანაზე: კიდე კაი, შაბათ-კვირა შემარგეს

პაპუაშვილი: გეოპოლიტიკური თამაშები აღრმავებს უფსკრულს ელიტებსა და ხალხს შორის

მონაკოში მომხდარი აფეთქების შედეგად უკრაინელი ოლიგარქი და მისი ცოლი მძიმედ დაშავდნენ

SJC: ევროპულმა სასამართლომ FARA-სა და გრანტების კანონთან დაკავშირებით საჩივრის არსებითი განხილვა დაიწყო