"პოლიციელის შეურაცხყოფა, სიტყვიერი იქნება ეს თუ ხელით შეხება, ძალიან ცუდი და მიუღებელია. მნიშვნელობა არ აქვს პოლიტიკოსი იქნება ეს თუ მოქალაქე", - ამის შესახებ შს მინისტრმა, ვახტანგ გომელაურმა ტელეკომპანია "იმედის" ეთერში გადაცემა "SWOT"-ში სტუმრობისას განაცხადა. მისი თქმით, პირველი, ვინც პოლიციელებს დაიცავს და გვერდში დაუდგება, იქნება თავად.

"არის თემები, როდესაც არ ჩანს, მაგრამ პოლიციელის მიმართ, შეურაცხყოფა გინებაში, მუქარაში ან სხვა რამეში გადადის. კანონი უნდა იყოს ყველასთვის თანასწორი, თანაბარი. დეტალებში შესვლა არ მინდა, თუმცა  ჩემი ინტერვიუ "მთავარმა არხმა" სამწუხაროდ, თავისებური ინტერპრეტაციით გაუშვა და ისე აჩვენა, თითქოს მე პოლიციელს კი არ ვიცავ, პირიქით მოქალაქეებს ვიცავ და ა.შ. პირველი დამცველი პოლიციელების ნამდვილად მე, შინაგან საქმეთა მინისტრი ვარ და უამრავი თემაა, რაც გახმაურებული არ არის - გვერდში დავდგომივარ მათ, დავხმარებივარ და ძალიან ბევრი დარტყმა ჩემ თავზე ამიღია, ეს იციან თანამშრომლებმა, ხელმძღვანელმა პირებმა. მიუღებელია, ძალიან ცუდია პოლიციელის შეურაცხყოფა, ხმამაღალი იქნება ეს თუ ხელით შეხებაზე აღარ ვსაუბრობ. მნიშვნელობა არ აქვს პოლიტიკოსი იქნები თუ მოქალაქე. როგორ შეიძლება ეს მოეწონოს ვინმეს, მითუმეტეს შინაგან საქმეთა მინისტრს?"-განაცხადა ვახტან გომელაურმა.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია