ფრაქცია „ევროპულმა საქართველომ“ ოპოზიციას საარჩევნო სისტემასთან დაკავშირებით ახალი ინიციატივა, 130/20-ზე შესთავაზა.

აღნიშნულის შესახებ „ევროპული საქართველოს“ წევრმა გიგა ბოკერიამ ჟურნალისტებს განუცხადა.

როგორც მან აღნიშნა, მათი ახალი ინიციატივით პარტიას უმრავლესობის შანსი იმ შემთხვევაში ექნება, თუ ის არჩევნებში ხმების 40%-ზე მეტს მიიღებს და ასევე, მაჟორიტარების დიდ ნაწილს მოიგებს.

„წამოვაყენეთ ორი ინიციატივა. პირველი, რაზეც შევჯერდით, დავიწყეთ კონსულტაციები ცუდი სცენარის შემთხვევაში თბილისში მაჟორიტარების საკითხთან დაკავშირებით. ჩვენ ვაგრძელებთ ბრძოლას ყველა ინსტრუმენტით, მშვიდობიანად ქვეყნის შიგნით და რა თქმა უნდა, ქვეყნის გარეთაც გრძელდება ძალიან მყარი წნეხი ჩვენს ხელისუფლებასა და ივანიშვილზე, რომ კომპრომისი იყო საარჩევნო სისტემაზე, მაგრამ ისინი იმეორებენ რომ არაფერს არ დათმობენ. თქვეს რომ თებერვალში მორჩება მოლაპარაკებები. რახან ასე ლაპარაკობენ და ვერაფერს ვერ გამოვრიცხავთ, ქვეყნის ინტერესებიდან გამომდინარე უკვე დავიწყეთ თბილისის მაჟორიტარებზე კონსულტაციების აქტიური ფაზა.

მეორე - ჩვენ, „ევროპულმა საქართველომ“ დავსვით საკითხი, რომ ჩვენი საერთო სულისკვეთება არის გამოსავლის პოვნა და ამიტომ, კიდევ ერთი კომპრომისული წინადადება დავსვით ოპოზიციის წინაშე, რათა შევთავაზოთ ხელისუფლებას. ეს არის პრინციპი იმის ნაცვლად რასაც ხელისუფლება იძახის რომ მესამედზე ნაკლები უნდა პირველ ადგილზე გასულ პარტიას რომ უმრავლესობა ჰქონდეს. ჩვენ ვთავაზობთ მყარ პრინციპს, რომ არსებითი უპირატესობა უნდა ჰქონდეს პარტიას და 40%-ზე არსებითად მაღლა უნდა იყოს, უნდა მოიგოს მაჟორიტარების დიდი ნაწილი და ამ შემთხვევაში ექნება უმრავლესობის შანსი. ციფრებში ეს არის 130 პროპორციული ადგილი და 20 მაჟორიტარი“, - განაცხადა გიგა ბოკერიამ.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია