“ ჩვენ ვითხოვთ საგამოძიებო კომისიის შექმნას, რისთვისაც ახლა უკვე არის საკმარისი ხმები და ეს კომისია შეიქმნება",- ამის შესახებ ფრაქცია „ერთიანი ნაციონალური მოძრაობის“ წევრმა თინათინ ბოკუჩავამ განაცხადა.

როგორც მან აღნიშნა, თავიდანვე ნათელი იყო , რომ მაჩალიკაშვილის საქმეზე ივანიშვილის  უდიპლომო ადვოკატი თადუმაძე და სკანდალით წასული შოთაძე სამართლიან გადაწყვეტილებას არ მიიღებდნენ.

„ყველამ ძალიან კარგად იცოდა, ბატონმა მალხაზმაც თქვა გუშინ,პირველივე დღიდან ნათელი იყო ,რომ არანაირ სიმართლეს მაჩალიკაშვილის საქმეზე ივანიშვილის უდიპლომო ადვოკატი თადუმაძე და სკანდალით წასული და მობრუნებული შოთაძე არ დაადგენდა. იმიტომ, რომ სიმართლეა ის, რომ ადამიანი მოკლეს საკუთარ ლოგინში , შემდეგ ჩაუდეს ყუმბარა და დააბრალეს ტერორისტობა.ჩვენ ვითხოვთ საგამოძიებო კომისიის შექმნას, რისთვისაც ახლა უკვე არის საკმარისი ხმები და ეს კომისია შეიქმნება.დღეს მალხაზ მაჩალიკაშვილს შეუშვებენ თუ არ შეუშვებენ პარლამენტში, გვეჭიდავებიან და მოაწყობენ თუ არა აქ მორიგ სამარცხვინო ცირკს, მაინც შეიქმნება ეს საგამოძიებო კომისია. „ქართული ოცნების“ უმრავლესობა იშლება, დღითი დღე აკლდებათ მათ ხმები და კიდევ უფრო მოაკლდებათ მეტი ხმა.დარწმუნებული ვარ, რომ ეს ადამიანები დაუჭერენ სიმართლეს მხარს. მე როგორც დეპუტატს მაქვს იმის უფლება,რომ შევიდე პარლამენტში და ადგილზევე დავუშვა საშვი“,- განაცხადა თინათინ ბოკუჩავამ.

ცნობისთის, პარლამენტის წინ ფრაქცია  „ერთიანი ნაციონალური მოძრაობის“ წევრები და მალხაზ მაჩალიკაშვილი არიან შეკრებილნი. ისინი პარლამენტში შესვლას ცდილობენ.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია