2020-01-27 16:54:18, 2363 ნახვა

---

ხაბეიშვილი სამმართველოს დატოვების შემდეგ - დაიმახსოვრეთ ჩემი წინასწარმეტყველება, აქედან დამნაშავე მე გამოვალ

„დაიმახსოვრეთ ჩემი წინასწარმეტყველება, აქედან დამნაშავე ხაბეიშვილი გამოვა“, - ამ სიტყვებით დატოვა პოლიციის სამმართველო „ნაციონალური მოძრაობის“ წევრმა ლევან ხაბეიშვილმა.

როგორც ხაბეიშვილმა აღნიშნა, უკვე მეოთხე დღეა რაც მას დაკითხვაზე უშედეგოდ დაატარებენ.

„კალაძემ რომ ფარჩაკი მიწოდა, ნაძვის ხეზე დაგკიდებო რომ მითხრა და შეურაცხყოფა მომაყენა, რომ ვცემო და დავალურჯო ჩემს კოლეგებთან ერთად ჯგუფურად, როგორ ფიქრობთ, რა მოხდება?! რა თქმა უნდა, იქნება მყისიერი რეაგირება და მე მაშინვე დამაკავებენ ჩემს კოლეგებთან ერთად. გარდა იმისა, რომ მუხლს მომიყენებენ, რამეს 8-დან 16 წლამდე, აუცილებლად ყველა იტყვის, რომ მოხდა ძალადობის უპრეცედენტო შემთხვევა. მეოთხე დღეა მატარებენ დაკითხვაზე. საბოლოო ჯამში, ჩემი წინასწარმეტყველება დაიმახსოვროს საზოგადოებამ - მიუხედავად იმისა, რომ საჯარო სივრცეში ასე ტურებივით დამესივნენ და ფიზიკურად გამისწორდნენ, საბოლოო ჯამში ხაბეიშვილი გამოვა აქედან დამნაშავე",- განაცხადა ლევან ხაბეიშვილმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი