„ოპოზიცია ცდილობს, რომ ნებისმიერი საკითხი, რაც საქართველოს ეხება, საკუთარი ინტერესების ქვეშ წარმოაჩინოს“, - ამის შესახებ ფრაქცია „ქართული ოცნების“ თავმჯდომარემ, რატი იონათამიშვილმა განაცხადა.

ჟურნალისტებთან საუბრისას მან ოპოზიციასა და ხელისუფლებას შორის მოლაპარაკებების მეხუთე რაუნდზეც გაამახვილა ყურადღება და აღნიშნა, რომ ხელისუფლება საკმაოდ საინტერესო წინადადებით წარსდგა ბოლო რაუნდის დროს, რაც გულისხმობდა 100 პროპორციულს და 50 მაჟორიტარული წესით არჩეულ დეპუტატს.

„მნიშვნელოვანია, ჩვენს წინადადებაზე ოპოზიციის აზრი, რომ საბოლოოდ ჩამოყალიბდეს მათი პოზიცია. ჩვენი ინიციატივა საერთაშორისო პარტნიორების მხრიდან დადებითად იქნა შეფასებული. სამწუხაროდ, ჩვენი ოპოზიცია ცდილობს, რომ ნებისმიერი საკითხი, რაც საქართველოს ეხება, საკუთარი ინტერესების ქვეშ წარმოაჩინოს. როცა ამერიკის შეერთებული შტატების წარმომადგენელთა პალატაში ორპარტიული აქტი იქნა მიღებული, მაშინ მათი შეფასებები არ მახსოვს. ეს გადაწყვეტილება ეხებოდა არა მხოლოდ საქართველოს, არამედ რეგიონის უსაფრთხოებას და მაშინ, ეს ჩვენი ოპონენტებისთვის „შეუმჩნეველი“ დარჩა. ორმაგი სტანდარტია, როცა მათი მხრიდან ახლა ცალკეული კონგრესმენების წერილებზე ამხელა გამოხმარებას აქვს ადგილი. ასევე გვახსოვს, როცა საგარეო საქმეთა მინისტრი ევროსაბჭოს მინისტრთა კომიტეტის თავმჯდომარედ აირჩიეს, მათ ამისი გაბათილებაც უნდოდათ”, – განაცხადა იონათამიშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია