„ჩვენ, მთელი ოჯახი უკვე მერვე წელია ამ ქვეყანაში ვცხოვრობთ, როგორც მიზანში ამოღებული საზარბაზნე ხორცი“, - ამის შესახებ ტელეკომპანია „მთავარი არხის“ გენერალურმა დირექტორმა ნიკა გვარამიამ თბილისის საქალაქო სასამართლოში ჟურნალისტებთან საუბრისას განაცხადა.

გვარამიას თქმით, მისი ოჯახი განუწყვეტელი თვალთვალისა და საფრთხის წინაშეა.

„ჩვენ, მთელი ოჯახი უკვე მერვე წელია ამ ქვეყანაში ვცხოვრობთ, როგორც არა მეორეხარისხოვანი მოქალაქეები, არამედ როგორც მიზანში ამოღებული საზარბაზნე ხორცი. ჩემი ოჯახი არის განუწყვეტელი თვალთვალის და სასიშროების ქვეშ ამ ხელისუფლების გამო. იცით, რომ ერთ-ერთი საქმე, რომელიც ჩემს წინააღმდეგ სრულიად უსაფუძვლოდაა წამოწყებული ეხება მანქანას, რომელიც ჩვენი ოჯახის სარგებლობაში იყო და ჩვენ ეს არც დაგვიმალავს. ამ ავტომობილით სარგებლობდნენ ჩემი მეუღლე და ბავშვები. ცხადია, ამაში დანაშაული არ არის, რადგან ეს ნასყიდობის ხელშეკრულებით მოხდა. მაგრამ პროკურატურამ გადაწყვიტა, რომ უნდა დაედგინა ეს მანქანა, რეალურად არის თუ არა ჩვენი ოჯახის სარგებლობაში. ეს ჩვენთვის, რომ ეკითხა, დავადასტურებდი, თუმცა არავის უკითხავს. მიუხედავად ამისა, გამოტანილ იქნა დადგენილება ამ საკუთრების დასადგენად, თვალთვალის გამოყენებით. ამაში მონაწილეობა მიიღო ქართულმა სასამართლომ და პროკურატურამ. პირობას ვაძლევ ყველას, მძიმედ დავსჯი“, - განაცხადა ნიკა გვარამიამ.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს