2020-01-21 14:43:40, 1523 ნახვა
საზოგადოება
რუსთავში, სავარაუდოდ, ბუნებრივი აირის გაჟონვით ორი ადამიანი გარდაიცვალა
რუსთავში, სავარაუდოდ, ბუნებრივი აირის ინტოქსიკაციით ორი ადამიანი გარდაიცვალა. გარდაცვლები მამა-შვილი არიან.
წინასწარი ინფორმაციით, მათი გარდაცვალების მიზეზი, წყლის გამაცხელებლიდან საცხოვრებელ სახლში CO-ს გაჟონვა გახდა.
ადგილზე მობილიზებული იყო სასწრაფო დახმარებისა და საპატრულო პოლიციის ბრიგადები.
როგორც „ექსპრესნიუსს“ შინაგან საქმეთა სამინისტროში განუცხადეს, მომხდარზე გამოძიება სსკ-ის 240-ე პრიმა მუხლითაა დაწყებული, რაც ელექტრო ან თბოენერგიის, გაზის, ნავთობის ან ნავთობპროდუქტების ობიექტზე უსაფრთხოების წესების დარღვევას გულიხმობს.
ავტორი: ექსპრესნიუსი,
epn.ge (@expressnews.ge)
