„მათი კვლევები მუდმივად აცდენილია არჩევნების შედეგებთან“, - ასე შეაფასა პარლამენტის პირველმა ვიცე-სპიკერმა, გია ვოლსკიმ ეროვნულ-დემოკრტიული ინსტიტუტის მიერ გამოქვეყნებული კვლევის შედეგები, რომლის მიხედვითაც ხვალ რომ არჩევნები ტარდებოეს, გამოკითხულთა 20% ხმას „ქართულ ოცნებას“, ხოლო 13% „ნაციონალურ მოძრაობას“ მისცემდა.

ვოლსკის თქმით, ორგანიზაცია, რომელიც „ენდიაის“ ეგიდით მოქმედებს, პერიოდულად, გაუგებარი მიზნებით აქვეყნებს კვლევის შედეგებს და აჟიოტაჟს ქმნის მედიასივრცეში.

„მათი კვლევები მუდმივად აცდენილია არჩევნების შედეგებთან, რაც მთავარი ინდიკატორია იმისა, თუ რატომ ვეთანხმები ან არ ვეთანხმები ამ კვლევებს. გარდა ამისა, მე თავად მითქვამს და კიდევ გავიმეორებ, რომ პარლამენტის საქმიანობის შესახებ საზოგადოებამ პრაქტიკულად მინიმალური იცის. პარლამენტის საქმიანობა ფასდება მხოლოდ იმ სიტყვიერი თუ ფიზიკური შეჯახებებით, რასაც მედია, როგორც დაინტერესებული მხარე აშუქებს. რა კანონები იქნა მიღებული მიწებთან დაკავშირებით, მიწების რეგისტრაციაზე, ფინანსური სტაბილურობის გაძლიერებასთან დაკავშირებით, საზოგადოების წევრებმა, გამოკითხულები არ იციან და ამ საკითხთან დაკავშირებით კითხვასაც არ სვამს ორგანიზაცია, ვფიქრობ, შეგნებულად, რომ არ ქონდეს საზოგადოებას მეტი ანალიზის საშუალება“, – განაცხადა გია ვოლსკიმ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია