ეროვნულ-დემოკრატიული ინსტიტუტის კვლევის თანახმად, გამოკითხულთა უმრავლესობა ლიდერებიდან ყველაზე დადებითად დედაქალაქის მერის, კახა კალაძის საქმიანობას აფასებს.

კალაძის საქმიანობას გამოკითხულთა, ყველაზე მეტი, 13% ძალიან კარგად აფასებს.

31% დადებითად, 32% - საშუალოდ, 16% - ცუდად, 6% - ძალიან ცუდად, 1%-მა კი კითხვაზე არ უპასუხა.

პრემიერ-მინისტრის გიორგი გახარიას მუშაობა ძალიან კარგად გამოკითხულთა 4%-მა შეაფასა, მის საქმიანობას 17% კარგად აფასებს, საშუალოდ - 34%, ცუდად - 24%, ძალიან ცუდად - 10%, ხოლო 10%-მა კითხვაზე არ უპასუხა.

ამავე კვლევის მიხედვით, პარლამენტის თავმჯდომარის, არჩილ თალაკვაძის საქმიანობას ძალიან კარგად გამოკითხულთა მხოლოდ 1% აფასებს, 12% მის საქმიანობას კარგად მიიჩნევს, 30% - საშუალოდ, 25% - ცუდად, 11% - ძალიან ცუდად, ხოლო 20%-მა კითხვაზე არ უპასუხა.

რაც შეეხება პრეზიდენტ სალომე ზურაბიშვილის საქმიანობას, გამოკითხულთა 1% ძალიან კარგად აფასებს. 8% - კარგად, საშუალოდ 31%, ცუდად - 34%, ძალიან ცუდად - 20%, ხოლო გამოკითხულთა 6%-მა კითხვაზე არ უპასუხა.

კვლევა, 2019 წლის 19 ნოემბერისა და 13 დეკემბრის პერიოდში, საქართველოს მასშტაბით 2,180 პირისპირი ინტერვიუს წარმომადგენლობითი შერჩევის საფუძველზე, ქვეყნის ქართულ, სომხურ და აზერბაიჯანულენოვან სრულწლოვან მოსახლეობას შორის ჩატარდა (ოკუპირებული ტერიტორიების გამოკლებით). გამოკითხვის საშუალო ცდომილების ზღვარი არის +/- 1.9 პროცენტი.

NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით და ატარებს CRRC საქართველო.

ავტორი: ექსპრესნიუსი,

სოციალური ქსელები

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა