2020-01-13 16:27:22, 1961 ნახვა
პოლიტიკა
ოკუპირებული აფხაზეთის ე.წ საპრეზიდენტო არჩევნებში ასლან ბჟანია მიიღებს მონაწილეობას
ოკუპირებული აფხაზეთის „ოპოზიციის ლიდერი“ ასლან ბჟანია ე.წ. საპრეზიდენტო არჩევნებში მიიღებს მონაწილეობას. აფხაზური მედიის ცნობით, ამის შესახებ თავად ასლან ბჟანიამ განაცხადა.
ცოტა ხნის წინ, აფხაზეთის დე ფაქტო ვიცე-პრეზიდენტმა ასლან ბარციციმა განაცხადა, რომ რაულ ხაჯიმბა მომდევნო საპრეზიდენტო არჩევნებში მონაწილეობას აღარ მიიღებს.
ოკუპირებულ აფხაზეთში ე.წ. საპრეზიდენტო არჩევნები განმეორებით 22 მარტს ჩატარდება.
შეგახსენებთ, რომ ოკუპირებული აფხაზეთის დე-ფაქტო პრეზიდენტმა, რაულ ხაჯიმბამ გუშინ ხელი მოაწერა ბრძანებას, თანამდებობის ნაბაყოფლობით დატოვების შესახებ. ის ე.წ პრეზიდენტის თანამდებობიდან აქციების ფონზე გადადგა.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
