2020-01-13 15:22:19, 1711 ნახვა
პოლიტიკა
ოკუპირებული აფხაზეთის დე-ფაქტო ვიცე-პრეზიდენტმა, ასლან ბარციცმა თანამდებობა დატოვა
ოკუპირებული აფხაზეთის დე-ფაქტო ვიცე-პრეზიდენტმა, ასლან ბარციცმა თანამდებობა დატოვა. ამის შესახებ ინფორმაცია, დე-ფაქტო პრეზიდენტის ვებ-გვერდზე გამოქვეყნდა.
ასლან ბარციცის განცხადებით, აღნიშნული გადაწყვეტილება მან „აფხაზეთის კონსტიტუციის“ შესაბამისად და რაულ ხაჯიმბას გადადგომასთან დაკავშირებით მიიღო, ასევე იმისათვის, რომ აფხაზეთში შენარჩუნდეს მშვიდობა.
შეგახსენებთ, რომ ოკუპირებული აფხაზეთის დე-ფაქტო პრეზიდენტმა, რაულ ხაჯიმბამ გუშინ ხელი მოაწერა ბრძანებას, თანამდებობის ნაბაყოფლობით დატოვების შესახებ. ცოტა ხნის წინ, დე-ფაქტო პარლამენტმა რაულ ხაჯიმბას გადადგომას მხარი დაუჭირა. მისი თანამდებობიდან გადადგომის მომხრე დე-ფაქტო პარლამენტის 32 წევრი იყო, შეხვედრას კი, სულ 32 ე.წ დეპუტატი ესწრებოდა.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
