2020-01-12 17:01:44, 1780 ნახვა
პოლიტიკა
ოკუპირებულ აფხაზეთში ე.წ საპრეზიდენტო არჩევნები 22 მარტს ჩატარდება
ოკუპირებული აფხაზეთის ე.წ. ცენტრალური საარჩევნო კომისიის თავმჯდომარის, თამაზ გოგიას თქმით, ე.წ საპრეზიდენტო არჩევნები 22 მარტს ჩატარდება.
„კომისიის“ თავმჯდომარის თამაზ გოგიას განცხადებით, გადაწყვეტილება, თითქმის, ერთსულოვნად არის მიღებული.
მისივე ცნობით, „კანონის“ თანახმად, გამეორებითი არჩევნები კენჭისყრის საშუალებას აძლევს, როგორც ყოფილ, ისე ახალ კანდიდატებსაც.
ოკუპირებულ რეგიონში ბოლო თვეების განმავლობაში მძიმე პოლიტიკური კრიზისია. წინა საპრეზიდენტო არჩევნებზე მეორე ტურში 47%-ით რაულ ხაჯიმბამ გაიმარჯვა, ხოლო ოპოზიციის ლიდერმა კვიცინიამ ხმათა 46% დააგროვა.
ავტორი: ექსპრესნიუსი,
epn.ge (@expressnews.ge)
