2020-01-10 18:24:27, 2640 ნახვა
პოლიტიკა
აფხაზეთის დე ფაქტო საგარეო მინისტრი ქართველ პოლიტიკოსებს: თქვენი შიდა პრობლემები მოაგვარეთ, რომლებიც არც თუ ისე ცოტაა
აფხაზეთის დე ფაქტო საგარეო საქმეთა მინისტრი, დაურ კოვე „ფეისბუქის“ საკუთარ გვერდზე ქართველ პოლიტიკოსებს აკრიტიკებს და მოუწოდებს, საკუთარი ქვეყნის პრობლემები მოაგვარონ, რომლებიც არც თუ ისე ცოტაა.
„ქართველი პოლიტიკური მოღვაწეები აფხაზეთში მიმდინარე პოლიტიკურ პროცესზე კომენტარებს აკეთებენ და მსოფლიო საზოგადოებას მოუწოდებენ პროცესში ჩაერთონ.
ნუ ჩაერევით სუვერენული სახელმწიფოს საქმეებში. თქვენი შიდა პრობლემები მოაგვარეთ, რომლებიც არც თუ ისე ცოტაა, ჩვენ კი, დამოუკიდებლად შევეცდებით ვიპოვოთ სიტუაციიდან გამოსავალი“, - წერს დაურ კოვე.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
