ოკუპირებული აფხაზეთის დე-ფაქტო პრეზიდენტი, რაულ ხაჯიმბა აცხადებს, რომ გააგრძელებს საკუთარი მოვალეობის შესრულებას და ქვეყნიდან გაქცევას არ აპირებს. ამის შესახებ ინფორმაციას „ინტერფაქსი“ ავრცელებს.

„მე ვიმყოფები სოხუმში, სამუშაო ადგილზე, ადმინისტრაციის შენობაში“, - აცხადებს ხაჯიმბა.

მისივე თქმით, ამ წუთებში ე.წ. პრეზიდენტის ადმინისტრაციის შენობაში ვითარების განმუხტვას ცდილობენ.

შეგახსენებთ, ოკუპირებულ აფხაზეთში ოპოზიციის მომხრეებმა საპროტესტო აქცია გამართეს. მომიტინგეები ე.წ საპრეზიდენტო არჩევნების შედეგების ბათილად ცნობას ითხოვენ. მათ პრეზიდენტის ამინისტრაციის შენობის მთავარ შესასვლელში კარი და ფანჯარა შეანგრიეს.

ცნობისთვის, ოკუპირებულ აფხაზეთში ე.წ საპრეზიდენტო არჩევნები ორ ტურად გაიმართა. არაღიარებულმა რესპუბლიკის ე.წ ცენტრალურმა საარჩევნო კომისიამ გამარჯვებულად რაულ ხაჯიმბა გამოაცხადა. მან ამომრჩეველთა ხმების 47.38% მიიღო. ალხას კვიცინიამ 46.19%.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია