„მარტო სიკვდილის დანაშაული არ არის, ბავშვი შეიყვანეს გაწმინდეს, ორი კაცი ხო იყო, ორმა ხო გაწმინდა  ჩემი შვილი, რომ მაგათი ხელი არ დამჩნეოდა“,- ამის შესახებ „დამპალოს“ სასაფლაოზე დაპირისპირებისას მოკლული 24 წლის ახალგაზრდა მამაკაცის დედამ, ელისო წურწუმიამ განაცხადა.

წურწუმია საქმის ობიექტურად გამოძიებას და დამნაშავეების უმკაცრესად დასჯას ითხოვს.

„მათი ხელიდან ჩემი ორივე შვილი მკვდარია. ის რომ ცოცხალია არაფერს ნიშნავს, მათი ხელიდან ჩემი ორივე შვილი მკვდარია და უნდა დაისაჯონ. ისიც არა რომ ციხეში ჩასვან 4-7 წელი, ან მუდმივი პატიმრობა ან თავი მოიკლან“,- განაცხადა ელისო წურწუმიამ.

შეგახსენებთ, რომ 2 იანვარს, ღამის საათებში, ე.წ. „დამპალოს“  სასაფლაოს ტერიტორიაზე, ფიზიკური დაპირისპირების დროს, შინაგან საქმეთა სამინისტროს უკვე ყოფილმა თანამშრომელმა, ზურაბ ფოფხაძემ მურად წურწუმიას მიაყენა სიცოცხლისათვის სახიფათო სხეულის დაზიანებები, რამაც მისი გარდაცვალება გამოიწვია.  ასევე ადგილზე იმყოფებოდა გარდაცვლილის ძმა და ფოფხაძის მეგობარი, რომელსაც ბრალი ამ დრომდე არ წარდგენია. ცნობისთვის, გარდაცვალების ფაქტზე დაკავებულ ზურა ფოფხაძეს, საქალაქო სასამართლომ გუშინ წინასწარი პატიმრობა შეუფარდა.

ავტორი: ექსპრესნიუსი,

სოციალური ქსელები

„საწვავის კრიზისი სოციალურ კრიზისში გადაიზრდება“ - ВЦИОМ პუტინის მოწონების რეიტინგის ყველაზე მკვეთრი ვარდნა დააფიქსირა ბოლო რვა წლის განმავლობაში

GITA-ს ორგანიზებით და ბაზისბანკის მხარდაჭერით ზუგდიდის ტექნოპარკში აგრო-ჰაკათონი AgriHack 2026 გაიმართა

თურქეთი ერთიან ევროგადახდების სივრცეში გაწევრიანებას გეგმავს

1000 დღე ომის დაწყებიდან - თელ-ავივში მრავალათასიანი აქცია გაიმართა