2019-12-26 17:46:19, 1895 ნახვა
პოლიტიკა
მიქაუტაძე: ამ ეტაპზე, უზენაესი სასამართლოს თავმჯდომარეობის კანდიდატობა ჩემს გეგმებში არ შედის
„უზენაესი სასამართლოს თავმჯდომარეობა ჩემ გეგმებში არ შედის, ყოველ შემთხვევაში, ამ ეტაპზე“, - ამის შესახებ იუსტიციის უმაღლესი საბჭოს მდივანმა და უზენაესი სასამართლოს მოსამართლემ, გიორგი მიქაუტაძემ ჟურნალისტებს განუცხადა.
მისი თქმით, უზენაესი სასამართლოს თავმჯდომარის კანდიდატურის დასახელებაზე იუსტიციის უმაღლესი საბჭო უახლოეს მომავალში იმსჯელებს.
„უზენაესი სასამართლოს თავმჯდომარის კანდიდატურის დასახელება ცალკე პროცედურაა. მე ვფიქრობ, რომ იუსტიციის უმაღლესი საბჭო ამ საკითხზე უახლოეს მომავალში იმსჯელებს. რაც შეეხება ჩემს კანდიდატურას, ამ ეტაპზე არ განვიხილავ, არ მაქვს ასეთი ინტერესი. უზენაესი სასამართლოს თავმჯდომარეობა ჩემ გეგმებში არ შედის, ყოველ შემთხვევაში, ამ ეტაპზე. ასე რომ, უარვყოფ ამ ინფორმაციას“, - განაცხადა გიორგი მიქაუტაძემ.
ავტორი: ექსპრესნიუსი,
epn.ge (@expressnews.ge)
