მღვდელმონაზონი ანდრია სარია ჭყონდიდის ეპარქიიდან გაათავისუფლეს.

ანდრია სარიას განცხადებით, აღნიშნული გადაწყვეტილება მას ჭყონდიდელმა მიტროპოლტმა გრიგოლმა გააცნო და მისი საკითხი სამსჯელოდ სინოდალურ კომისიას გადასცა.

„პირველი შეხვედრა მოხდა ახლადდანიშნულ ჭყონდიდელ მიტროპოლიტთან გრიგოლთან. მომახსენა, რომ შეურაცხყოფისა და დაუმორჩილებლობისათვის გათავისუფლებული ვიყავი ჭყონდიდის ეპარქიიდან. ამავე დროს, ჩემი საკითხი სამსჯელოდ გადაეცა სინოდალურ კომისიას. ვასაჩივრებ იგივე ჭყონდიდის მღვდელმთავრის გადაწყვეტილებას, რადგან შეიძლება ითქვას, რომ უმიზეზოდ გამომიშვა ეპარქიიდან ყოველგვარი ახსნა-განმარტების გარეშე“, - განაცხადა მამა ანდრია სარიამ.

შეგახსენებთ, რომ მღვდელმონაზონი ანდრია სარია ინჩხურის ტაძრის წინამძღოლი იყო, რომელმაც ტაძარი მეუფე პეტრე ცაავას გათავისუფლების შემდეგ პროტესტის ნიშნად დატოვა.

ავტორი: ექსპრესნიუსი,

სოციალური ქსელები

ევროკავშირის დელეგაცია ნატოს სამიტამდე ანკარას ეწვევა

ახალი პოლიტიკური პარტია ჯერ საქართველო დაფუძნდა

ტრამპი ირანს „განადგურებით“ დაემუქრა, თუ თეირანი დარტყმებს არ შეწყვეტს

რუსთავის ქალთა ციხესთან, აქტივისტის ნანა სანდერის მხარდამჭერი აქცია მიმდინარეობს