„მიუღებელი იქნება ჩვენთვის თბილისში ან რეგიონებში რაიმე ისეთი ცენტრების გახსნა, რომელიც მოემსახურება რუსულ ინტერესებს“, - ამის შესახებ პარლამენტის თავმჯდომარემ, არჩილ თალაკვაძემ  საქართველოში, რუსული კულტურის ცენტრის გახსნაზე საუბრისას განაცხადა.

მისი თქმით, ოკუპაციის დასრულებამდე საქართველო არ წავა კომპრომისებზე ეროვნული ინტერესების ხარჯზე.

 „ვიდრე ოკუპაცია არ დასრულდება და რუსეთის ჯარისკაცები არ დატოვებენ საქართველოს ტერიტორიას, არანაირი კომპრომისი ჩვენი ეროვნული ინტერესების ხარჯზე არ იქნება. მით უმეტეს, როდესც ჩვენ ვართ იმ პირობებში, როდესაც ვუპირისპირდებით რუსულ ძალას და პროპაგანდას, რომელსაც სამწუხაროდ, გარკვეული მოკავშირეები საქართველოშიც ჰყავს და ზოგიერთი მათგანი შესაძლოა, არის ჩვენი მწვავე ოპონენტიც. ამ პირობებში ჩვენ ხელს არ შევუწყობთ და რა თქმა უნდა, მიუღებელი იქნება ჩვენთვის თბილისში ან რეგიონებში რაიმე ისეთი ცენტრების გახსნა, რომელიც მოემსახურება რუსულ ინტერესებს“, – განაცხადა არჩილ თალაკვაძემ.

ავტორი: ექსპრესნიუსი,

სოციალური ქსელები

„გაიარე მეტი უსაფრთხოდ“ - „თეგეტა მოტორსის“ საგზაო უსაფრთხოების კამპანია სკოლებში

საქართველოში ვიზიტის შემდეგ, ევროსაბჭოს ადამიანის უფლებათა კომისარი ანგარიშს აქვეყნებს

მოემზადეთ PLUS-ის დაბადების დღისთვის - მიიღეთ 20%-იანი PLUS ქულების ქეშბექი Alta-ში DREAME-ის პროდუქციის შეძენისას

ქალი პოლიტიკოსები რუსთავის ციხესთან შეიკრიბნენ და ელენე ხოშტარიას სოლიდარობა გამოუცხადეს