სემეკის თავმჯდომარის ირინა მილორავას განცხადებით, ელექტროენერგიის ახალი ტარიფი მოსახლეობის უწყვეტ და საიმედო ენერგომომარაგებას უზრუნველყოფს.

ამის შესახებ მილორავამ ჟურნალისტებს სემეკის სხდომის დასრულების შემდგეგ განუცხადა, სადაც „ენერგო პრო ჯორჯიას“ მომხმარებელებისთვის ელექტროენერგიის შესყიდვის ტარიფის  დაახლოებით 3,348 თეთრით გაზრდა მოხდა.

მილორავას თქმით, ტარიფის კორექტირება რამდენიმე ფაქტორით იყო განპირობებული.

„ტარიფის ზრდა ძირითადად  განპირობებული იყო იმ კომპონენტებით, რომლებზეც ვალუტის კურსის ცვლილება გავლენას ახდენს. ეს იყო ძირითადად თბოელექტრო სადგურები და იმპორტირებული ელექტროენერგია. მნიშვნელოვანი წილი ტარიფის კორექტირებაში სწორედ ამ ორმა კომპონენტმა შეიტანა. ეს არის სამართლიანი ტარიფი, რომელიც უზრუნველყოფს  მოსახლეობის უწყვეტ და საიმედო ენერგომომარაგებას“,-განაცხადა ირინა მილორავამ.

ცნობისთვის, ახალი ტარიფი ძალაში 1 აგვისტოდან შევა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოს ბანკის ივლისის PLUS შეთავაზებები - დააგროვეთ მეტი PLUS ქულა ყოველდღიურ გადახდებზე

პაპუაშვილი ელისაშვილის წინააღმდეგ: ტერორისტებიც ამბობენ, რომ უსამართლობას ებრძვიან

“მცირე ბიზნესის ჯაჭვი” - საქართველოს ბანკი ახალი ინიციატივით ბიზნესებს შორის თანამშრომლობას აძლიერებს

თიბისის ბიზნესგანათლების პროგრამაში, ივნისის თვეში, 600 მეწარმე ჩაერთო