„ნიკა გვარამია უკვე ძალიან დიდი ხანია არის ბიძინა ივანიშვილის ხელისუფლების სამიზნე“,- ასე გამოეხმაურა ფრაქცია „ნაციონალური მოძრაობის“ თავმჯდომარის მოადგილე, სალომე სამადაშვილი, „მთავარი არხის“ გენერალური დირექტორი, ნიკა გვარამიას სუს-ში დაბარების ფაქტს.

მისი თქმით, სუს-ი პოლიტიკური დევნის ინსტრუმენტად არის გადაქცეული.

„მგონი გასაგებია, რასთან გვაქვს საქმე, ნიკა გვარამია უკვე ძალიან დიდი ხანია არის ბიძინა ივანიშვილის ხელისუფლების სამიზნე და შესაბამისად, ის რაც სრულიად შეესაბამება მისი გამოხატვის თავისუფლებას სუს-მა გადააქცია პოტენციურად სამართლებრივი შევიწროების მიზეზად. ეს არის იმ ქვეყნის სუს-ი, რომელსაც აქვს ძალიან სერიოზული გამოწვევები და იმის ნაცვლად, რომ სუს-ი დაკავებული იყოს იმ საქმით, რომელიც მას ევალება, ის არის პირდაპირ პოლიტიკური შევიწროების და პოლიტიკური დევნის ინსტრუმენტად გადაქცეული ბიძინა ივანიშვილის ხელში“,- განაცხადა სალომე სამადაშვილმა.

შეგახსენებთ, რომ ნიკა გვარამია სახელმწიფო უსაფრთხოების სამსახურში, გამოკითხვაზე 6 დეკემბერს, 11:00 საათზეა დაბარებული.

ავტორი: ექსპრესნიუსი,

სოციალური ქსელები

„გაიარე მეტი უსაფრთხოდ“ - „თეგეტა მოტორსის“ საგზაო უსაფრთხოების კამპანია სკოლებში

საქართველოში ვიზიტის შემდეგ, ევროსაბჭოს ადამიანის უფლებათა კომისარი ანგარიშს აქვეყნებს

მოემზადეთ PLUS-ის დაბადების დღისთვის - მიიღეთ 20%-იანი PLUS ქულების ქეშბექი Alta-ში DREAME-ის პროდუქციის შეძენისას

ქალი პოლიტიკოსები რუსთავის ციხესთან შეიკრიბნენ და ელენე ხოშტარიას სოლიდარობა გამოუცხადეს