„ჩემი და ჩემი კოლეგების უხერხულობა მიზერულია იმასთან შედარებით, რომელიც სახელმწიფოს შეექმნება, თუკი პარლამენტი საქმიანობას არ გააგრძელებს“, - ამის შესახებ პარლამენტის თავმჯდომარის პირველმა მოადგილემ, გია ვოლსკიმ ჟურნალისტებთან საუბრისას განაცხადა.

მისი თქმით, არსებობს კონსტიტუცია, რომელსაც არ შეესაბამება „გერმანული მოდელი“.

„ეს დანაშაული ემოციითაც არის გამოწვეული . ამავდროულად, ორგანიზებულია ტრადიციული ჯგუფის მიერ და ასევე მიმართულია სახელმწიფოს გაჩერებისაკენ. რასაკვირველია იმოქმედებდა პოლიცია. ჩემი და ჩემი კოლეგების უხერხულობა მიზერულია იმასთან შედარებით, რომელიც სახელმწიფოს შეექმნება, თუკი პარლამენტი საქმიანობას არ გააგრძელებს. ნებისმიერი საკითხი უნდა განვიხილოთ კანონის ჭრილში. ვფიქრობ, არ არსებობს ადამიანი, რომელიც კომფორტს გრძნობს შექმნილი ვითარების გამო, მაგრამ არსებობს კონსტიტუცია, რომელსაც არ შეესაბამება „გერმანული მოდელი“ თუმცა, ვფიქრობ,  რომ ნებისმიერი მოდელის შემთხვევაში „ნაციონალურ მოძრაობას“ რაიმე წარმატება ვერ ექნება.

ვფიქრობ, მათი მთავარი ამოცანა არის  იმ რევოლუციური სცენარის განვითარება, რომელიც სააკაშვილმა შემოგვთავაზა ჯერ კიდევ 2014 წელს. არამგონია, რომ მათ ამისთვის გადაეხვიათ როდესმე, თუმცა დღეს ფიქრობენ, რომ ამისთვის საუკეთესო მომენტია. ვფიქრობ, კანონს არ უნდა გავცდეთ არც ისინი და არც ჩვენ“, - განაცხადა ვოლსკიმ.

შეგახსენებთ, გამთენიისას პარლამენტის შესასვლელებთან განლაგებული აქციის მონაწილეები, რომლებიც აცხადებდნენ, რომ დეპუტატებს საკანონმდებლო ორგანოში არ შეუშვებდნენ, ტერიტორიიდან სპეცრაზმის გამოყენებით გაიყვანეს. აქციის დაშლის დროს სამართალდამცველებმა 28 პირი დააკავეს. ამასთან, ჯანდაცვის სამინისტროს ინფორმაციით, დაშავდა 4 ადამიანი, რომლებიც სამედიცინო დაწესებულებებში არიან გადაყვანილი.

ამ დროისთვის, პარლამენტის შენობის ყველა შესასვლელთან საპატრულო პოლიციის თანამშრომლები არიან მობილიზებულნი.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა