2019-11-21 10:53:28, 1722 ნახვა
პოლიტიკა
ევროკავშირის ელჩი: ვაჟა გაფრინდაშვილის გასათავისუფლებლად აქტიურ მოლაპარაკებებს ვაწარმოებთ
საქართველოში ევროკავშირის ელჩი კარლ ჰარცელი საოკუპაციო რეჟიმის მიერ ქართველი ექიმის, ვაჟა გაფრინდაშვილის დაკავების ფაქტს ეხმაურება.
ელჩის თქმით, გაფრინდაშვილის არალეგალური დაკავება ოკუპირებული ცხინვალის რეჟიმთან დაძაბული ვითარების შედეგია.
„ექიმი ვაჟა გაფრინდაშვილის არალეგალური დაკავება ძალიან რთული და დაძაბული ვითარების შედეგია, რომელიც ოკუპირებულ რეჟიმთან გვაქვს. ძალისხმევას არ ვიშურებთ, რათა ე.წ. საზღვრები გაიხსნას. ვაჟა გაფრინდაშვილის გასათავისუფლებლად აქტიურ მოლაპარაკებებს ვაწარმოებთ“, - განაცხადა ევროკავშირის ელჩმა.
შეგახსენებთ, რომ საოკუპაციო რეჟიმმა ექიმი ვაჟა გაფრინდაშვილი 9 ნოემბერს დააკავეს.მას 2 თვიანი პატიმრობა მიესაჯა.
ავტორი: ექსპრესნიუსი,
epn.ge (@expressnews.ge)
