„ბოქლომები და ჯაჭვები კი არ უნდა გაჭრათ, გასაღები უნდა მოძებნოთ, რომელიც ხალხის ხელშია“, - ამის შესახებ „ახალი საქართველოს“ ლიდერმა გიორგი ვაშაძემ „გაერთიანებული ოპოზიციის“ ოფისში გამართულ ბრიფინგზე განაცხადა.

მისი თქმით, საზოგადოების პროტესტი საკმაოდ მაღალია, რომელსაც გამოხატვის სხვადასხვა ფორმებიც აქვს, მაგრამ ჯერ მშვიდობიანი გზით მიდიან. 

„ის, რომ მშვიდობიანად დასრულდა და მშვიდობიანად ჩატარდა აქცია, ეს არის ჩვენი ერთობლივი მუშაობის დამსახურება. მშვიდობიანი, არაძალადობრივი საპროტესტო აქცია მოქმედებაშია და ვაგრძელებთ მოქმედებას. ჩვენი ერთიანობა არის იმის განმაპირობებელი, რომ ამ ბრძოლაში გავიმარჯვებთ.

მინდა მივმართო ბატონ პარლამენტის თავმჯდომარეს, რომ ბოქლომები და ჯაჭვები კი არ უნდა გაჭრათ, გასაღები უნდა მოძებნოთ. ეს გასაღები არის სწორედ ხალხის ხელში, რომელიც თქვენგან ითხოვს პროპორციული არჩევნები ჩატარებას ქვეყანაში. ამიტომ ძალისმიერი მეთოდებით მუშაობას სჯობს, აუცილებლად იმ კუთხით იმოქმედოთ, რომ შესაბამისად გქონდეთ სამოქმედო გეგმა.

დღეს გვექნება გაერთიანებული ყველა ოპოზიციური პარტიის შეკრება, სადაც გვექნება სამოქმედო გეგმა. ეს არის მშვიდობიანი საპროტესტო არაძალადობრივი მოქმედებები გამარჯვებისათვის და ამ საქმეს აუცილებლად ბოლომდე მივიყვანთ. აუცილებლად გავიმარჯვებთ ჩვენ ამ ბრძოლაში იმიტომ, რომ სიმართლე ჩვენს მხარეს არის.

კიდევ ერთხელ ვამბობ, პროტესტი საზოგადოებაში ძალიან მაღალია, ამ პროტესტს აქვს სხვადასხვა გამოხატვის ფორმები, მაგრამ ჯერ მივდივართ მშვიდობიანი გზით და აუცილებლად მივიყვანთ ბრძოლას ბოლომდე.

ჩვენმა პასუხისმგებლიანმა და ერთობლივმა მოქმედებამ განაპირობა ის, რომ არ ჰქონდა შესაძლებლობა ხელისუფლებას გამოეყენებინა გადამეტებული ძალა და ჩვენ უბრალოდ ვაჩვენეთ მშვიდობიან დემონსტრანტებს როგორ შლის ათასობით სპეცრაზმელი“, - განაცხადა გიორგი ვაშაძემ. 

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა