„ბიუროს სხდომა აუცილებლად უნდა გაიმართოს და პარლამენტმა უნდა იმუშაოს პროტესტის ნებისმიერი ფორმის მიუხედავად“, - ამის შესახებ ფრაქცია „ქართული ოცნების“ თავმჯდომარემ, მამუკა მდინარაძემ უმრავლესობის ოფისში გამართულ ბრიფინგზე განაცხადა.

მისი თქმით, კანონდარღვევის შემთხვევაში, შინაგან საქმეთა სამინისტროს მოუწევს შესაბამისი ზომების მიღება.

„მე ვფიქრობ, რომ ბიუროს სხდომა აუცილებლად უნდა გაიმართოს. პარლამენტმა უნდა იმუშაოს პროტესტის ნებისმიერი ფორმის მიუხედავად გამართულად და სახელმწიფო ინსტიტუტებს არ უნდა შეექმნათ პრობლემა, წინააღმდეგ შემთხვევაში ჩვენ გვაქვს სახეზე კანონის დარღვევა.

ბუნებრივია, რელევანტურია შინაგან საქმეთა სამინისტროს განცხადება, სადაც ისინი ამბობენ, რომ თუ კანონდარღვევას ექნება ადგილი, იქნება შესაბამისი რეაგირებაც“, - განაცხადა „ქართული ოცნების“ თავმჯდომარემ.

მანვე დასძინა, რომ ამერიკის შეერთებული შტატებისა და ევროკავშირის განცხადებებში მითითებულია, რომ პროტესტი უნდა დარჩეს კანონის ფარგლებში.

„ეს არ არის მხოლოდ სახელმწიფოს და შსს-ს პოზიცია, ეს იყო ასევე აშშ-სა და ევროკავშირის ერთობლივი განცხადების პათოსიც, სადაც მათ მიუთითეს, რომ პროტესტი უნდა დარჩეს კანონის ფარგლებში. ჩვენ გვაქვს საერთაშორისო პოზიცია, აქედან გამომდინარე, ბუნებრივია პოლიციას და სახელმწიფოს აქვს ვალდებულება, იმოქმედოს კანონის შესაბამისად, დემოკრატიის მაღალი ხარისხის გათვალისწინებით“, - აღნიშნა მამუკა მდინარაძემ.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა