„პირველი რაც უნდა გავაკეთოთ არის ის, რომ ამ მოღალატე პარლამენტარებმა ვეღარ უნდა გააგრძელონ თავიანთი საქმიანობა. თუ ისინი აქ შევლენ, ისინი საშვილიშვილოდ დაგვასვამენ მურუსიძეს, უდიპლომო ნაგავს და მისნაირებს თავზე“, - ამის შესახებ „ევროპული საქართველოს“ ერთ-ერთმა ლიდერმა გიგი უგულავამ პარლამენტთან გამართულ საპროტესტო აქციაზე განაცხადა.

მისი თქმით, პარლამენტის კარი მხოლოდ მაშინ გაიხსნება, როცა ჩაიბარებენ ივანიშვილის კაპიტულაციას.

„ეს არ იქნება მარტივი ბრძოლა, პირველი რაც უნდა გავაკეთოთ არის ის, რომ ამ მოღალატე პარლამენტარებმა ვეღარ უნდა გააგრძელონ თავიანთი საქმიანობა. თუ ეს მოღალატეები შევიდნენ პარლამენტში, ისინი საშვილიშვილოდ დაგვასვამენ მურუსიძეს თავზე, უდიპლომო ნაგავს თავზე, უსინდისოებს თავზე იმისათვის, რომ მერე საშვილიშვილოდ გაიხანგრძლივონ მმართველობა. ყოველი დღე მათი მუშაობის არის სახიფათო, იმიტომ რომ ივანიშვილი უდრის ქაოსს, ქაოსი სიღარიბეს, სიღარიბე კი ტანჯავს ყველა ადამიანს, გარდა ივანიშვილისა.

დღევანდელი დღე იქნება გარდამტეხი. „ქართული ოცნების“ უმრავლესობაში ვინც დარჩით, თქვენ ხვალიდან პარლამენტის შენობაში მუშაობას ვერ გააგრძელებთ. არც ერთი „ქართული ოცნების“ დეპუტატი ხვალიდან პარლამენტის შენობაში მუშაობას ვერ გააგრძელებს.

ჩვენ ვიცავთ კონსტიტუციას, გვაქვს უფლება რომ არ მივცეთ მოძალადე, მოღალატე პარლამენტს მუშაობის საშუალება. ეს იქნება პირველი ნაბიჯი. როცა ჩვენ ამ პირველ ნაბიჯს განვახორციელებთ, კვლავ წავუყენებთ პირობას, რომ რიგგარეშე პროპორციული არჩევნები ჩატარდეს. მარტო ერთხელ გაიხსნება ეს კარები, როცა ჩავიბარებთ ივანიშვილის კაპიტულაციას“,- განაცხადა გიგი უგულავამ.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა