„პატრიოტთა ალიანსი“ კვირას, 17 ნოემბერს, უწყვეტ საპროტესტო აქციებს იწყებს.

ამის შესახებ პარტიის ლიდერმა ირმა ინაშვილმა პარლამენტში გამართულ ბრიფინგზე განაცხადა.

მან მოქალაქეებს აქციაზე მისვლისკენ მოუწოდა და აღნიშნა, რომ მთავარი მოთხოვნა ხელისუფლებიდან „ქართული ოცნების“ წასვლა იქნება.

„ქართული ოცნება 7 წელია ატყუებს ხალხს და პირდება, რომ გააუქმებს მაჟორიტარულ ოლქებს, დღევანდელი კენჭისყრა ამ ტყუილის მწვერვალი და ხილული მაგალითია. სრულიად საქართველოსთვის არის ნათელი, რომ ხელისუფლებამ დღვანდელი ნაბიჯით განახორციელა ძალაუფლების უზურპაცია. ნათელია, რომ ხელისუფლების მიტაცების პროცესი დაწყებულია. მე ვაცხადებდი პლენარულ სხდომებზე და ხაზს ვუსვამდი იმას, რომ, თუ ჩავარდება კენჭისყრა, ქვეყანაში უმძიმესი პროცესები დაიწყება, დაიწყება პოლიტიკური კრიზისი  და მივმართავდი საჯარო შეკითხვით „ქართულ ოცნებას“, მზად იყვნენ თუ არა ამ კრიზისის დასაძლევად, მაგრამ კრიზისებს თავად იწვევენ და ქვეყანაში ქმნიან აბსოლუტურად ქაოტურ მდგომარეობას, ამიტომ ჩვენ ამ ვითარებაში გადავდივართ უწყვეტ საპროტესტო აქციებზე“, - განაცხადა ირმა ინაშვილმა.

"პატრიოტთა ალიანსის" პირველი აქცია კვირას, რესპუბლიკის მოედანზე გაიმართება.

შეგახსენებთ, საკონსტიტუციო ცვლილებების კანონპროექტი, რომელიც პროპორციულ საარჩევნო სისტემაზე გადასვლას ითვალისწინებს, ჩავარდა. კანონპროექტის ჩაგდება საპარლამენტო უმრავლესობის დეპუტატებს შორის აზრთა სხვადასხვაობამ და მათი ნაწილის წინააღმდეგობამ გამოიწვია.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა