„დღეს ისეთი სამარცხვინო რამ მოხდა, პარლამენტი აღარ ჰყავს ქვეყანას“, - ასე ეხმაურება „პატრიოტთა ალიანსის“ ლიდერი ირმა ინაშვილი პარლამენტის მიერ პროპორციული საარჩევნო სისტემის შესახებ კანონპროექტის ჩაგდებას.

მისი თქმით, ამ ეტაპზე საჭიროა ყველა მისი და სხვა პოლიტიკური პარტიის მხარდამჭერები პროტესტის ნიშნად ქუჩაში გამოვიდნენ.

„ყველა ჩვენ მხარდამჭერს და ასევე სხვა პარტიების მხარდამჭერებსაც მოვუწოდებ გადავიდეთ ქუჩაში. დღეს ისეთი სამარცხვინო რამ მოხდა პარლამენტში, რომ პარლამენტი აღარ ჰყავს ქვეყანას. მე როგორც ვატყობ, ხელისუფლებაც აღარ ჰყავს ქვეყანას. პასუხისმგებლობას შექმნილ კრიზისზე ვაკისრებ პირადად ბიძინა ივანიშვილს და ქართული ოცნების პოლიტიკურ ელიტას. ორი დღის განმავლობაში იყო პოლიტიკური მელაკუდობა, სრულიად დაუჯერებელია, რომ მაჟორიტარები აუმხედრდნენ ბიძინა ივანიშვილს, წარმოუდგენელი რამ არის ეს და თუ ეს ასეა, მაშინ ბიძინა ივანიშვილი როგორ მართავს პარტიას? როგორ არის პარტიის თავმჯდომარე თუ მის ხედვას, მის მიერ ინიცირებულ კანონპროექტს მხარს არ უჭერს მისივე გუნდი. „ქართული ოცნება“ ქვეყანასაც ვერ მართავს და ამიტომ უნდა წავიდეს ხელისუფლებიდან და ამისთვის ყველაფერი უნდა გავაკეთოთ. ეს ისე უნდა გავაკეთოთ, რომ ხელისუფლება ხელში არ ჩაიგდონ „ნაციონალური მოძრაობის“ ავანტიურისტებმა. აი ეს უნდა გავაკეთოთ, ახლა ბეწვის ხიდზე უნდა გავიაროთ“, - განაცხადა ირმა ინაშვილმა.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა