მოძრაობა „ქვეყნის სამსახურში“ ფრაქცია „ქართული ოცნების“ ოფისთან, სადაც უმრავლესობის შეხვედრა მიმდინარეობს აქციას მართავს.

აქციის მონაწილეებს ადგილზე ბანერები და საყვირები აქვთ მიტანილი.

როგორც აქტივისტები აცხადებენ, ეს მათი ბოლო გაფრთხილებაა ხელისუფლებისადმი. ისინი იმედოვნებენ, რომ საპარლამენტო უმრავლესობა საკონსტისტუციო ცვლილებების კანონპროექტს არ ჩააგდებს, რადგან წინააღდეგ შემთხვევაში სამოქალაქო დაუმორჩილებლობით იმუქრებიან.

„ჩვენი აქ მოსვლის მიზეზი არის ბოლო გაფრთხილება ბიძინა ივანიშვილს. იმედია ექნებათ გონიერება და ჩვენი ქვეყნის მომავალს საფრთხის ქვეშ არ ჩააგდებენ. ის, რაც ხდება, ეს არის დადგმული სპექტაკლი. ამ დეპუტატებს აქამდე ხმა არ ამოუღიათ ახლა გადაწყვიტეს ბიძინა ივანიშვილის წინააღმდეგ წასვლა. „ქართულ ოცნებაში“ არ არსებობს ერთი ადამიანიც კი,  რომელიც ივანიშვილის წინააღმდეგ წავიდეს. მოლოდინი გვაქვს, რომ ისინი ამ კანონპროექტს არ ჩააგდებენ“, - განაცხადა მოძრაობა „ქვეყნის სამსახურში“-ს ერთ-ერთმა ლიდერმა გიგა მაქარაშვილმა.

ადგილზე მობილიზებულია საპატრულო პოლიცია.

შეგახსენებთ, რომ ამ წუთებში „ქართული ოცნების“ ოფისში უმრავლესობის სხდომა მიმდინარეობს. დღეს 12:00 საათზე კი პარლამენტში პროპორციულ საარჩევნო სისტემასთან დაკავშირებით კენჭისყრა გაიმართება. აღნიშნული კანონპროექტის კენჭისყრა გუშინ უნდა მომხდარიყო, თუმცა დეპუტატები შეთანხმდნენ, რომ ცვლილება კენჭისყრაზე დღეს დადგებოდა.

ავტორი: ექსპრესნიუსი,

სოციალური ქსელები

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა

ALDE: ოცნებამ უნდა უზრუნველყოს, რომ ელენე ხოშტარიამ მიიღოს მკურნალობა, რომელიც სჭირდება