„მმართველმა გუნდმა დღეს კიდევ ერთხელ აჩვენა, რომ მათ არა აქვთ პასუხისმგებლობა, მათ არა აქვთ ქვეყნისთვის მნიშვნელოვანი გადაწყვეტილებების მიღების უნარი“, - ამის შესახებ „ევროპული საქართველოს“ ერთ-ერთმა ლიდერმა დავით ბაქრაძემ პარლამენტის პლენარულ სხდომაზე გამოცხადებული შესვენების დროს, ჟურნალისტებთან განაცხადა.

მისი თქმით, კიდევ ერთი დღე მოთმინებით დაელოდებიან უმრავლესობის გადაწყვეტილებას, რათა მათ, ოპოზიციურ პარტიებთან დაპირისპირების საბაბით, პროპორციულ საარჩევნო სისტემაზე გადასვლის ინიციატივა არ ჩააგდონ:

„ორი დღის განმავლობაში, ჩვენ, როგორც საპარლამენტო ოპოზიცია, ვითმენთ შეურაცხყოფებს, ვითმენთ აბსოლუტურად მიუღებელ და აგრესიულ გამოსვლებს და ეს ხდება ერთადერთი მიზეზით, - არ მივცეთ უმრავლესობას, ოპოზიციასთან კონფლიქტის საბაბით, ჩააგდონ და არ მიიღონ გადაწყვეტილება პროპორციულ სისტემაზე გადასვლისა. ამიტომ მე კიდევ ერთი დღე ვიქნები მაქსიმალურად თავშეკავებული, რომ არავის მიეცეს საბაბი, ოპოზიციისკენ გადმოიტანოს ისრები, თითქოს ჩვენთან დაპირისპირების გამო ხდება ეს. მაგრამ ვიტყვი იმას, რომ ქვეყანა დგას ძალიან სერიოული კრიზისის წინაშე, ძალიან სერიოზული განსაცდელის წინაშე და თუ რამე შექმნის არასტაბილურობას ამ ქვეყანაში, შექმნის სწორედ პროპორციული სისტემის ჩაგდება და პასუხისმგებელი ამაზე მთლიანად იქნება „ქართული ოცნების“ პოლიტიკური გუნდი ბიძინა ივანიშვილის ხელმძღვანელობით. დაველოდები ხვალიდელ დღეს, რადგან განსხვავებით იმ ადამიანებისგან, ვინც ვაჭრობს საკუთარი თავით, ჩვენ გვაქვს პასუხისმგებლობა ქვეყნის წინაშე, ჩვენ გვაქვს პასუხისმგებლობა ამ ქვეყანაში სტაბილურობის და ჩვენი ხალხის წინაშე, ამიტომ არ მინდა მივცე თუნდაც უმცირესი საბაბი იმისათვის, რომ ისარი გადმოიტანონ ოპოზიციისკენ. კიდევ ერთი დღე მაქსიმალური თავშეკავებით დაველოდებით მათ გადაწყვეტილებას, მაგრამ ამ გუნდმა დღეს კიდევ ერთხელ აჩვენა, რომ არა აქვთ პასუხისმგებლობა, მათ არა აქვთ ქვეყნისთვის მნიშვნელოვანი გადაწყვეტილებების მიღების უნარი“, - განაცხადა დავით ბაქრაძემ.

შეგახსენებთ, რომ პარლამენტმა საარჩევნო ცვლილებასთან დაკავშირებული კანონპროექტის კენჭისყრა ხვალისთვის გადადო. აღნიშნული გადაწყვეტილების შესახებ პარლამენტის თავმჯდომარე არჩილ თალაკვაძემ დეპუტატებს სხდომაზე უმრავლესობის ლიდერთან, „ქართული ოცნების“ ფრაქციის თავმჯდომარესთან და ოპოზიციასთან კონსულტაციების შემდეგ აცნობა, რასაც პარლამენტმა მხარი დაუჭირა.

ავტორი: ექსპრესნიუსი,

სოციალური ქსელები

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა

ALDE: ოცნებამ უნდა უზრუნველყოს, რომ ელენე ხოშტარიამ მიიღოს მკურნალობა, რომელიც სჭირდება