„თითებს ნუ იქნევ,  ჩაგაბარებ წარსულს“, - ამ სიტყვებით მიმართა პარლამენტის ყოფილმა თავმჯდომარემ ირაკლი კობახიძემ „ევროპული საქართველოს“ ერთ-ერთ  ლიდერს,  სერგო რატიანს.

კერძოდ, პროპორციულ საარჩევნო სისტემაზე საუბრისას კობახიძემ განაცხადა, რომ ახალი საარჩევნო სისტემით ვერც „ნაციონალური მოძრაობა“ და ვერც „ევროპული საქართველო“ პარლამენტში ვერ უნდა მოხვდნენ.

მან ასევე ბობოხიძეს გიგლა ბერბიჭაშვილი უწოდა და აღნიშნა, რომ ბობოხიძე ნებისმიერ დროს ესვრის ილიას.

„კაკო ბობოხიძეც არის ჩვეულებრივი ბერბიჭაშვილი, ნებისმიერ დროს ესვრის ის ილიას. თქვენ ხართ ბერბიჭაშვილები... ამას აკეთებთ ყოველდღიურ რეჟიმში თქვენი პარტიული ტელევიზიის მეშვეობით, თქვენი საიტების მეშვეობით და თქვენი ნაცაქტივის მეშვეობით ფეისბუქზე. ათასობით ადამიანია ჩართული ბერბიჭაშვილის საქმეში“,- განაცხადა ირაკლი კობახიძემ.

გარდა ამისა, ირაკლი კობახიძე ოპოზიციის წევრებს სიტყვიერადაც დაუპირისპირდა და ტრიბუნაზე ხელის დარტყმით რატიანს უთხრა:

„რას გიზამ იცი, სერგო?! დაგამთავრებ“,

ამასთანავე, კობახიძემ ბერბიჭაშვილად მოიხსენია დამოუკიდებელი დეპუტატი ლევან გოგიჩაიშვილიც და აღნიშნა, რომ ის „ნაციონალურ მოძრაობასთან“ ტანდემშია.

შეგახსენებთ, ამ წუთებში პარლამენტი პროპორციული საარჩევნო სისტემის კანონპროექტს განიხილავს. 

ავტორი: ექსპრესნიუსი,

სოციალური ქსელები

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა

ALDE: ოცნებამ უნდა უზრუნველყოს, რომ ელენე ხოშტარიამ მიიღოს მკურნალობა, რომელიც სჭირდება