2019-10-14 13:00:09, 1579 ნახვა
საზოგადოება
ზურაბიშვილი პუტინთან შეხვედრაზე: თუ დავაპირებ, გაგაგებინებთ
საქართველოს პრეზიდენტის სალომე ზურაბიშვილის მტკიცებით, თუ ის რუსეთის ლიდერ ვლადიმერ პუტინთან შეხვედრას დააპირებს, საზოგადოებასა და ჟურნალისტებს "აუცილებლად გააგებინებს".
სვეტიცხოველში მისულ პრეზიდენტს ჟურნალისტებმა რამდენიმე კითხვა დაუსვეს, მათ შორის აპირებს თუ არა ის ვლადიმერ პუტინს შეხვდეს, მას შემდეგ რაც ნიუ-იორკში საგარეო საქმეთა მინისტრების დავით ზალკალიაისა და სერგეი ლავროვის შევედრა გაიმართა.
აღნიშნულ კითხვას პრეზიდენტმა ასე უპასუხა: "რამეს თუ დავაპირებ, უთუოდ გაგაგებინებთ".
ცნობისთვის, 26 სექტემბერს, საქართველოს საგარეო საქმეთა მინისტრი დავით ზალკალიანი რუს კოლეგას სერგეი ლავროვს შეხვდა.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
