გახარია: ამხელა რესურსი ეროვნული ბანკის შენობის ასაშენებლად არ უნდა დაიხარჯოს

2019-10-10 17:56:14, 4962 ნახვა

პოლიტიკა

„ამხელა რესურსი თუნდაც მაკონტროლებელი ორგანოს, ეროვნული ბანკის შენობის ასაშენებლად არ უნდა დაიხარჯოს”, – ამის შესახებ, საქართველოს პრემიერ-მინისტრმა, გიორგი გახარიამ დღეს მედიის წარმომადგენლებთან საუბრისას განაცხადა.

გახარიას თქმით, მიუხედავად იმისა, რომ პროექტისთვის ბიუჯეტიდან ფული არ დაიხარჯება, თანხა მაინც დიდია.

"ეროვნული ბანკი არის დამოუკიდებელი ორგანო. მის შენობაზე ბიუჯეტიდან არც ერთი თეთრი არ იხარჯება. თუმცა, მიუხედავად ამისა გეტყვით, რომ ამხელა რესურსი ორგანოს, თუნდაც ეს ეროვნული ბანკი იყოს, მაკონტროლებელი ორგანოს შენობის ასაშენებლად არ უნდა დაიხარჯოს. ვფიქრობ, რომ ამ ქალაქში ისეთი შენობის აშენებაც შესაძლებელია, რომელიც ცოტა უფრო იაფი დაჯდება,"- განაცხადა გახარიამ.

ცნობისთვის, ეროვნული ბანკის ახალი შენობა თბილისში, მდინარე მტკვრის სანაპიროზე უნდა აშენდეს. პროექტის ღირებულება 50 მილიონი ლარია.

მოამზადა გიორგი ჩაფიძემ

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,