2019-10-09 14:29:54, 2795 ნახვა
სამართალი
რუსთავში, 35 წლის დავით მუმლაძის მკვლელობის საქმეზე ბრალდებულ ხუთივე პირს პატიმრობა შეეფარდა
რუსთავში, 35 წლის დავით მუმლაძის წამებით მკვლელობის საქმეზე ბრალდებულ ხუთივე პირს წინასწარი პატიმრობა შეეფარდა.
სასამართლო სხდომაზე დაცვის მხარე ბრალდებულებისთვის გირაოს სანაცვლოდ გათავისუფლებას ითხოვდა, თუმცა მოსამართლემ აღნიშნული შუამდგომლობა არ დააკმაყოფილა.
წინასასამართლო სხდომა 2 დეკემბერს გაიმართება.
შეგახსენებთ, რომ 35 წლის დავით მუმლაძის ცხედარი მდინარე მტკვარმა, რუსთავში 5 ოქტომბერს გამორიყა. არსებული ინფორმაციით, მას სხეულზე 30-ზე მეტი ჭრილობა ჰქონდა მიყენებული. საქმეზე 5 პირი დააკავეს, მათ შორის ყოფილი და მოქმედი პოლიციელები.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
