„თუ დადასტურდა, რომ დანაშაული ჩაიდინა, ეს ძალიან მძიმე იქნება ყველასთვის“, - ასე უპასუხა თბილისის მერმა კახა კალაძემ „ქართული ოცნების“ დეპუტატის, ილია ჯიშკარიანის შესახებ დასმულ შეკითხვას, რომელსაც თანაშემწე სექსუალურ ძალადობაში ადანაშაულებს.

როგორც მერმა აღნიშნა, ბრალდება საკმაოდ მძიმეა და შესაბამის გამოძიებას საჭიროებს.

„წარმოუდგენელია ადამიანს ასეთი რაღაც ჩაედინა. ამ ადამიანს ვიცნობ რამდენიმე წელია, ვიცი თუ როგორი ცხოვრებით ცხოვრობს, შესაბამისად, ეს არის ძალიან მძიმე ბრალდება, უნდა დაველოდოთ გამოძიებას. ნებისმიერ ადამიანს შეუძლია ნებისმიერ ადამიანზე იგივე ბრალდება წამოაყენოს, ამას სჭირდება მტკიცებულებები და სჭირდება გამოძიება. შეიძლება ეს იყოს ტყუილი, შეიძლება იყოს მართალი, ამიტომ საჭიროებს გამოძიებას. თუ ვინმეს დანაშაული აქვს ჩადენილი, ვინც არ უნდა იყოს, არ აქვს მნიშვნელობა საკრებულოს წევრია თუ თანამდებობის პირია, თუ კანონის წინაშე აქვს ჩადენილი დანაშაული, მთელი სიმკაცრით აგებს პასუხს. თუ დადასტურდა, ეს ძალიან მძიმე იქნება ყველასთვის“, - განაცხადა კახა კალაძემ.

შეგახსენებთ, ახალგაზრდა ქალი, თამთა თოდაძე "ქართული ოცნების" დეპუტატს, ისნის მაჟორიტარს ილია ჯიშკარიანს გაუპატიურების მცდელობასა და ფიზიკურ ძალადობაში ადანაშაულებს. შინაგან საქმეთა სამინისტრომ გამოძიება სამი მუხლით დაიწყო.

ავტორი: ექსპრესნიუსი,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა