ტელეკომპანია "რუსთავი 2"-ის საინფორმაციო სამსახურის ყოფილი ხელმძღვანელი ნოდარ მელაძე გენერალურ პროკურატურაში გამოკითხვაზე მივიდა. 

როგორც უწყებაში შესვლამდე მელაძემ ჟურნალისტებს განუცხადა, სხვადასხვა მედია საშუალებების წარმომადგენლების და მფლობელების საგამოძიებო ორგანოში დაბარება მათ დაშინებას ემსახურება. 

მელაძის მტკიცებით, ხელისუფლებას კრიტიკული მედიის დახშობა სურს, თუმცა მანვე დასძინა, რომ "ქართულ ოცნებას" ეს არ გამოუვა. 

"წინასწარ არ ვიცი რა კითხვები ექნებათ საგამოძიებო უწყების წარმომადგენლებს. როცა შევალ ამას გავიგებ. სავარაუდოდ ეს ეხება ნიკა გვარამიას წინააღმდეგ დაწყებულ გამოძიებას და ამ გამოძიების ფარგლებში დამიბარეს მეც გამოკითხვაზე. ეს პროცესი არის კრიტიკული მედიის დაშინება, დისკომფორტის შექმნა ადამიანებისთვის. ბოდიში მაგრამ ჩვენ ვერ დაგვაშინებენ. არც ერთ ცხელ წერტილში არ შემშინებია და არც პროკურატურის მეშინია. ჩვენ ყველაფრისთვის ვართ მზად. ყველა კრიტიკული მედიის მფლობელის წინააღმდეგ დაიწყეს სამართლებრივი განხილვები. კრიტიკული მედიის არსებობა აუცილებელია და ჩვენ მუშაობას გავაგრძელებთ", - განაცხადა ნოდარ მელაძემ. 

აღსანიშნავია, რომ გენერალურ პროკურატურასთან მელაძის კოლეგები იმყოფებიან. ადგილზე "ტვ პირველის" წამყვანები ინგა გრიგოლია და დიანა ტრაპაიძე მივიდნენ, მათთან ერთად "ტვ პირველის" მფლოობელი ვატო წერეთელიც არის. უწყებასთან აგრეთვე გაერთიანებული ოპოზიციის ერთ-ერთი ლიდერი გიორგი ვაშაძეც იმყოფება. 

ცნობისთვის, ნოდარ მელაძის გარდა გენერალურ პროკურატურაში ტელეკომპანია "რუსთავი" 2-ის ყოფილი წამყვანი გიორგი გაბუნიაც არის დაბარებული, რომელიც უყებაში ორსაბათს უნდა გამოცხადდეს. 

შეგახსენებთ, რომ მანამდე საგამოძიებო უწყებაში "ნაციონალური მოძრაობის" წევრი და "რუსთავი 2"-ის ყოფილი წამყვანი ზაალ უდუმაშვილი და "ფორმულას" საინფორმაციო სამსახურის ხელმძღვანელი გიორგი ლაფერაშვილი გამოკითხეს. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს

უკრაინამ ვოლგოგრადში მდებარე „ისკანდერის“ სარაკეტო ქარხანას „ფლამინგოს“ რაკეტები დაარტყა

დროა: როდესაც ხოშტარია არ არის გადაყვანილი სამოქალაქო კლინიკაში, ეს სადამსჯელო ოპერაციაა