თბილისის მერი კახა კალაძე, მოადგილესთან სოფიო ხუნწარიასთან ერთად თბილისის საკრებულოში, სიმღერისა და ცეკვის სახელმწიფო აკადემიურ ანსამბლ ,,რუსთავის’’ 50 წლის იუბილესთან დაკავშირებით გამართულ მიღებას დაესწრო.

დედაქალაქის მერმა ანსამბლს ქართული კულტურის განვითარებაში შეტანილი წვლილისთვის მადლობა გადაუხადა და მადლობის სიგელი გადასცა, ხოლო საკრებულოს თავმჯდომარე გიორგი ტყემალაძემ მადლობის სიგელები  - ანსამბლის სამხატვრო ხელმძღვანელს ანზორ ერქომაიშვილს და მთავარ ქორეოგრაფს ფრიდონ სულაბერიძეს.

„მინდა ანსამბლ „რუსთავს“ 50 წლის იუბილე მივულოცო. სიტყვები არ მყოფნის, გადმოვცე ის ემოცია, რაც ახლა ვნახეთ და მოვისმინეთ. ეს არის ანსამბლი, რომელსაც ჩვენი ქვეყნის საზღვრებს გარეთ გააქვს ჩვენი მრავალფეროვანი კულტურა; თითოეული ქართველისთვის საამაყო ჩვენი ხალხური საიმღერა და ცეკვა. 50 წელი არც ძალიან ცოტაა და არც ძალიან ბევრი. მინდა ვუსურვო მათ კიდევ დიდი წარმატებები, რათა თაობებს გადასცენ ის ქართული სულისკვეთება, რაც ჩვენს ცეკვასა და სიმღერაშია“, - განაცხადა კახა კალაძემ ჟურნალისტებთან საუბრისას.

ღონისძიებაზე ანსამბლის წევრებმა რამდენიმე საცეკვაო და მუსიკალური ნომერი შეასრულეს. ამასთან, ,,რუსთავმა" საკრებულოს საჩუქრად საიუბილეო ანთოლოგია გადასცა, რომელშიც 400 ქართული ხალხური სიმღერაა შესული.

ღონისძიებას თბილისის საკრებულოს განათლებისა და კულტურის კომისიის თავმჯდომარე თამარ ტალიაშვილი უძღვებოდა. მიღებას საკრებულოს წევრები, კულტურის სფეროს წარმომადგენლები ესწრებოდნენ.

(NS)

ავტორი: ექსპრესნიუსი,

სოციალური ქსელები

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს

უკრაინამ ვოლგოგრადში მდებარე „ისკანდერის“ სარაკეტო ქარხანას „ფლამინგოს“ რაკეტები დაარტყა

დროა: როდესაც ხოშტარია არ არის გადაყვანილი სამოქალაქო კლინიკაში, ეს სადამსჯელო ოპერაციაა