კაცებისა და ქალების დაყოფა და წარსულში დარჩენა პოლიტიკური მარაზმია, - ასე გამოეხმაურა „ქართული ოცნება - დემოკრატიული საქართველოს“ თავმჯდომარე მამუკა მდინარაძე საზოგადოებრივი მოძრაობა „ლელოს“ დამფუძნებელ მამუკა ხაზარაძის განცხადებებს.

მდინარაძის შეფასებით, მსგავსი გაანცხადებები არ არის სწორი.

„ბატონო მამუკა, ასეთი რაღაცები არ უნდა შეგეშალოთ. ქალის მიმართ ასეთი განცხადებები არ არის სწორი, ყველაზე რბილად რომ ვთქვათ, ამიტომ მოვუწოდებ ამ ადამიანს რომ ცოტა დააკვირდეს რას ლაპარაკობს და შეურაცხყოფის რაღაც ცინიკურ და მსგავს ფორმებს თავი დაანებოს. მას არ გამოადგება ეს პირველ რიგში პოლიტიკაში. კაცების და ქალების ასე დაყოფა და წარსულში ჩარჩენა არის, რბილად რომ ვთქვათ, პოლიტიკური მარაზმი“, - აღნიშნა მამუკა მდინარაძემ.

ცნობისთვის, მამუკა ხაზარაძემ თქვა, რომ: "მაია ცქიტიშვილს წარმოდგენა არ აქვს, თუ რა არის ინფრასტრუქტურა. შეიძლება კარგად აცხობს ხაჭაპურებს, მაგრამ არ ვიცი რა გამოცდილება ჰქონდა მას წინა ცხოვრებაში, როცა ამ მილიარდებს აბარებენ".

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

უკრაინამ სამი დღის განმავლობაში მეორედ დაარტყა მოსკოვის ნავთობგადამამუშავებელ ქარხანას

ტრამპი აცხადებს, რომ თუ ირანთან შეთანხმებას 60 დღეში ვერ მიაღწევენ, აშშ დაბომბვას დაუბრუნდება

საქართველოს რკინიგზის საქმეზე ბრალდებულებს აღკვეთის ღონისძიებად პატიმრობა შეეფარდათ

ნანუკა ჟორჟოლიანი არ გამორიცხავს, ნაციონალური მოძრაობის თავმჯდომარეობისთვის იბრძოლოს