2019-10-03 11:04:53, 1291 ნახვა

---

წულუკიანი ქობულიაზე: 2020-ისთვის ისეთი პოლიტიკური ლანდშაფტი გვექნება, რომ ისიც შეიძლება პარლამენტში მოხვდეს

იუსტიციის მინისტრი თეა წულუკიანი ყოფილი ეკონომიკის მინისტრის გიორგი ქობულიას შესაძლო პოლიტიკაში დაბრუნებას გამოეხმაურა.

როგორც მან მთავრობის სხდომის შემდეგ აღნიშნა, 2020 წლის არჩევნებისთვის ნებისმიერ პოლიტიკური გამოცდილების ადამიანს ექნება შესაძლებლობა პარლამენტში მოხვედრის.

„ჩვენ ისეთი პოლიტიკური ლანდშაფტი გვექნება 2020 წლის არჩევნებისთვის, რომ ნებისმიერ ადამიანს და ყოფილ მინისტრს ამ შემთხვევაში, მცირე თუ მდიდარი პოლიტიკური გამოცდილების ადამიანს ექნება შესაძლებლობა შექმნას პარტია და ჰქონდეს იმის იმედი, რომ მოხვდება პარლამენტში. იმიტომ რომ „ქართული ოცნების“ იდეა ე.წ. ბუნებრივი ბარიერით გულისხმობს იმას, რომ პარლამენტის კარი არის ყველასთვის ღია და კონკურენციაც შესაბამისად იქნება ძალიან მაღალი“, - განაცხადა თეა წულუკიანმა.  

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი